Apple töliq sensorli ekranga ega ilk MacBook’ni taqdim etdi
Apple kompaniyasi tölaqonli sensorli OLED-ekranga ega yangi MacBook Pro modelini namoyiş qildi. Qurilma M5 Pro, M5 Max hamda yangi avlod M6 çiplari bilan jihozlangan.
Apple to‘liq sensorli ekranga ega ilk MacBook’ni taqdim etdi
Noutbuk ikki xil o‘lchamda — diagonali 14 va 16 dyuymli variantlarda chiqariladi.
Qurilma korpusi yanada yupqalashgan va uning vazni 1,3 kg ni tashkil etadi. Ekranning yuqori qismidagi odatiy qora hoshiya o‘rnini Dynamic Island egalladi. Bundan tashqari, orqa panelga yonib turuvchi olma logotipi qaytdi. So‘nggi bir necha yil davomida Apple MacBook’larni oddiy o‘yma logotip bilan ishlab chiqarayotgan edi. Xaridorlarga ikki xil — kumushrang va qora ranglar taqdim etiladi.
Sotuvlar 6-noyabrdan boshlanadi. Oldindan buyurtmani esa bugunoq berish mumkin. 14 dyuymli versiya narxi 2,9 ming dollardan, 16 dyuymli versiyasi esa 3,4 ming dollardan boshlanadi.
MacBook Pro sensorli ekrani odatiy boshqaruv tizimini bekor qilmaydi: klaviatura va touchpad o‘z joyida qoladi, ularga iPhone va iPad foydalanuvchilariga yaxshi tanish bo‘lgan sensorli kiritish hamda imo-ishoralar orqali boshqarish qo‘shiladi. Shu tariqa, gap noutbukni planshetga aylantirish haqida emas, balki macOS bilan ishlash usullarini kengaytirish haqida bormoqda.