Andijonda ikki qizni Turkiyaga fohishalikka yubormoqchi bo‘lgan shaxslar ushlandi
Andijon viloyatida ikki qizni aldov yo‘li bilan Turkiyaga fohishalikka yubormoqchi bo‘lgan shaxslar ushlandi. Holat yuzasidan jinoyat ishi qo‘zg‘atilib, tergov harakatlari olib borilmoqda.
Andijonda ikki ayolni Turkiyaga fohishalikka jo‘natmoqchi bo‘lgan shaxslar hibsga olindi. Bu haqda Yoshlar telekanali xabar berdi.
Ma'lum bo‘lishicha, ikki ayol 24 va 32 yoshli qizlarni aldov yo‘li bilan o‘ziga jalb qilgan. Ular qizlarni Turkiyada fohishalik bilan shug‘ullanishga majburlashni rejalashtirgan, buning evaziga yo‘l haqi va boshqa moddiy xarajatlarni qoplab berishni va'da qilgan.
Gumonlanuvchilar jabrlanuvchilarni Toshkent xalqaro aeroporti orqali Turkiyaga olib chiqib ketishga urinayotgan vaqtda, Andijon viloyatining Shahrixon tumani hududida qo‘lga olingan.
Mazkur holat yuzasidan Jinoyat kodeksining 135-moddasi 2-qismi (Odam savdosi) bilan jinoyat ishi qo‘zg‘atilgan bo‘lib, hozirda tergov harakatlari davom etmoqda.