Andijonda 18 ming dollarga gashish sotayotgan ikki erkak qoʻlga olindi. Video
Andijon viloyatida ikki erkak deyarli ikki kilogramm gashishni 18 ming dollarga sotayotgan vaqtida jinoyat ustida qoʻlga olindi. Video
Andijonda ikki erkak 18 ming dollarlik gashishni oʻtkazishga uringan vaqtida qoʻlga olindi. Ushlash chogʻida ular huquq-tartibot organi xodimlariga faol qarshilik koʻrsatib, qochishga uringan, biroq ularni toʻxtatishga erishildi.
Operatsiya Davlat xavfsizlik xizmati, Chegara qoʻshinlari va Andijon viloyati ichki ishlar boshqarmasi xodimlari tomonidan oʻtkazildi.
DXX maʼlumotlariga koʻra, qoʻlga olinganlar Paxtaobod tumanida yashovchi 30 va 38 yoshli shaxslardir. Ular shartli xaridorga 1,9 kilogramm gashishni 18 ming dollarga sotishni rejalashtirgan.
Ikkala shaxsga nisbatan giyohvandlik vositalarining noqonuniy muomalasi moddasi boʻyicha jinoyat ishi qoʻzgʻatilgan, ushbu modda boʻyicha maksimal jazo 20 yil muddatga ozodlikdan mahrum qilishni nazarda tutadi. Ular qamoqqa olingan.
Tergov harakatlari davom etmoqda.
Avvalroq Toshkentda ichiga gashish joylashtirilgan qoʻgʻirchoq bilan taksi yoʻlovchisi ushlangan edi.