Andijon viloyatida yashovchi keksa yoshli fuqaroning xonadonidan giyohvandlik moddalari topildi. Video
Andijon viloyatida yashovchi keksa yoshli fuqaroning xonadonidan giyohvandlik moddalari topildi. Video
Andijon viloyatining Baliqchi tumanida mahalliy fuqaroning xonadonida oʻtkazilgan tintuv chogʻida marixuana, chekish uchun moslama va kannabisga oʻxshash urugʻlar aniqlandi.
Maxsus operatsiya respublika miqyosidagi «Xavfsiz va sogʻlom yurt» kampaniyasining uchinchi bosqichi doirasida oʻtkazildi. Huquq-tartibot organlari xodimlari giyohvandlik moddalarining noqonuniy aylanmasi bilan bogʻliq ehtimoliy holatlarni tekshirdi.
Tintuv chogʻida 60 yoshli mahalliy fuqaroning xonadonidan 76 gramm marixuana, chekish uchun moslashtirilgan plastik idish, shuningdek, kannabisga oʻxshash oʻsimlik urugʻlari topildi.
Aniqlangan barcha ashyolar musodara qilinib, ashyoviy dalil sifatida rasmiylashtirildi.
Erkakka nisbatan jinoyat ishi qoʻzgʻatilgan, tergov harakatlari davom etmoqda.
Avvalroq huquq-tartibot xodimlari Qoraqalpogʻistonning Toʻrtkoʻl tumanida ikki kilogrammdan ortiq marixuanani musodara qilishgan edi. Gumonlanuvchi taqiqlangan moddani boshqa shaxsga topshirayotgan vaqtda qoʻlga olingan.