“Amerika Oʻzbekistonni mintaqadagi eng muhim hamkor deb tan olyapti” – elchi Furqat Sidiqov
2-sentabr kuni AQSH poytaxti Vashingtonda Oʻzbekiston mustaqilligining 35 yilligi tantanali nishonlandi. Tadbirda AQSH hukumatidan rasmiylar, diplomatik korpus vakillari hamda vatandoshlar qatnashdi. Kun.uz bilan gaplashgan elchi Furqat Sidiqovga koʻra, Vashington Toshkentni Markaziy Osiyodagi asosiy sherik sifatida koʻrmoqda va hozirgi aloqalar keyingi maʼmuriyatlar davrida ham saqlanib qoladi.
“Amerika Oʻzbekistonni mintaqadagi eng muhim hamkor deb tan olyapti” – elchi Furqat Sidiqov
2-sentabr kuni AQSH poytaxti Vashingtonda Oʻzbekiston mustaqilligining 35 yilligi tantanali tarzda nishonlandi. Tadbirda AQSH hukumatidan rasmiylar, diplomatik korpus vakillari hamda vatandoshlar ishtirok etdi. Kun.uz bilan suhbatda elchi Furqat Sidiqovning aytishicha, Vashington Toshkentni Markaziy Osiyodagi asosiy sherik sifatida ko‘rmoqda va mavjud aloqalar keyingi ma’muriyatlar davrida ham davom etadi.
Bu yil mustaqillik bayrami nafaqat Oʻzbekistonda, balki respublikaning hamkor davlatlarida hamda oʻzbeklar ko‘p yashaydigan hududlarda keng nishonlanmoqda. Masalan, AQSHning 10 dan ortiq shtatlarida turli tadbirlar o‘tkazildi. 2-sentabr kuni esa asosiy bayram Vashingtonda tashkil etilib, unda amerikalik rasmiylar, diplomatik korpus vakillari hamda Amerikada yashovchi yurtdoshlarimiz qatnashdi.
Elchi Furqat Sidiqov nutq so‘zlab, yig‘ilganlarni bayram bilan tabrikladi. Shuningdek, AQSH davlat kotibining Markaziy Osiyo bo‘yicha yordamchisi Paul Kapur va savdo bo‘yicha palata vakillari ham ishtirok etdi. Ular Oʻzbekistonni zarur hamkor deb atadi.
Kun.uz bilan gaplashgan Oʻzbekistonning AQShdagi elchisi Furqat Sidiqovga ko‘ra, Vashington Toshkentni Markaziy Osiyodagi asosiy hamkor sifatida tan olmoqda.
“Aloqalarimiz institutsionallashdi, AQSH Oʻzbekistonning dunyoga ochilayotgani, yangilanayotganini koʻrdi. Shuning uchun biz hozirgi hamkorligimizni uzoq muddatli poydevor bilan qurganmiz”, deydi elchi.
Bundan tashqari, diplomatning qo‘shimcha qilishicha, prezident Mirziyoyevning Tramp tashabbusi bilan qurilayotgan “Amerika qahramonlari” bog‘i uchun ikkita ayvonni sovg‘a qilgani ham katta voqelik.
“Bahorda u bog‘da sakura daraxti juda chiroyli gullaydi, bu Yaponiya imperatoridan sovgʻa. Endi uning yonida bizning prezident sovg‘asi boʻlgan ayvonlar ham turadi”, deydi elchi.
Shuningdek, Kun.uz bilan gaplashgan Nyu Yorkdagi bosh konsul Jamil Sharapovning aytishicha, bugun oʻzbeklarni faqat Vatanga boʻlgan muhabbat birlashtirmoqda.
Yana bir oʻzbek tadbirkori esa so‘nggi yillarda oʻzbek vatandoshlarimiz uchun ko‘plab konsertlar uyushtirilayotganini, biroq viza olishdagi qiyinchiliklar sabab rejalar har doim ham silliq kechmayotganini aytdi.
“Oppenheimer” investitsiya kompaniyasi Kapital bozorlari departamenti rahbari Farhod Inogʻomboyevga koʻra, bugun Oʻzbekistonga AQSH kerak, AQShga esa Oʻzbekiston kerak.
“Qarang, Oʻzbekistonning aholisi soni oshib bormoqda, bu katta bozor. Shuningdek, noyob mineral resurslar va tabiiy qazilmalar, konchilik bugun AQSH hukumati uchun doimgidanda qiziq”, deydi u.