Amazon yangi 107 million funt sterlinglik tarqatish markazini ochadi
Ushbu obekt Yevropadagi oʻz turidagi eng yirik tarqatsh markazi boʻlib, unda 1 400 tagacha ish oʻrni yaratilishi mumkin.
Amazon yangi 107 mln funt sterlinglik tarqatish markazini ishga tushirdi
Kompaniya yangi obʼyekt Piterboroda 1 400 ta ish oʻrni yaratishini maʼlum qildi
Onlayn chakana savdo giganti Amazon Piterboroda yangi 107 mln funt sterlinglik tarqatish markazini ochdi, bu shaharda 1 400 ta ish oʻrni yaratishi kutilmoqda.
Flaksli-rouddagi bino kompaniya tomonidan 2010 yilda ochilgan va hozirda 1 000 dan ortiq xodim ishlaydigan mavjud obʼyektning yonginasida joylashgan.
Maydoni 690 000 kvadrat futni tashkil etuvchi obʼyekt kompaniyaning 2025-27 yillarga moʻljallangan 40 mlrd funt sterlinglik Buyuk Britaniyaga investitsiya rejasining bir qismidir va undan haftasiga besh milliongacha mahsulot joʻnatilishi kutilmoqda.
Amazon'ning obʼyekt rahbari Tomislav Batinich shunday dedi: "Ushbu obʼyekt logistika operatsiyalarimizning bir qismini qanday boshqarishimizni toʻliq yangicha talqin qilishdir va Amazon uchun tarixiy lahzadir. U Buyuk Britaniyada oʻz turidagi birinchisi va Yevropadagi eng yirigi hisoblanadi".
Yangi markazdan hech narsa bevosita mijozlarga joʻnatilmaydi.
Buning oʻrniga, unda uy hayvonlari ozuqasi va hojatxona qogʻozi kabi roʻzgʻor uchun eng zarur buyumlar kabi mijozlar eng tesh-tesh sotib oladigan mahsulotlar saqlanadi va mamlakat boʻylab 20 ga yaqin buyurtmalarni bajarish markazlariga yetkaziladi, u yerda ular yetkazib berish uchun mijoz buyurtmasining qolgan qismi bilan birlashtiriladi.
Бу Amazon'ning Buyuk Britaniyadagi "ishlov berish bosqichlarini" qisqartirish va yetkazib berishni tezlashtirishga qaratilgan yagona tarqatish markazlaridan (One Distribution Centres) birinchisidir.
U eng yuqori yuklama paytida 16 million mahsulotni saqlash quvvatiga ega boʻlib, kompaniyaning taʼkidlashicha, bu boshqa obʼyektlarga nisbatan taxminan ikki baravar koʻpdir.
Yangi obʼyekt ilgari Amazon'ning eng tigʻiz mavsumida qoʻshimcha quvvat sifatida foydalanilgan va endilikda doimiy obʼyekt sifatida jihozlangan