90 kilometrdan olingan kadr: Xitoyning maxfiy kosmoplani orbitada tasvirga tuşdi
Vantor kompaniyasi Xitoyning tajribaviy köp marta foydalaniladigan kosmoplani aks etgan aniq sunʼiy yöldoş suratini eʼlon qildi. WorldView-3 apparati tasvirni taxminan 90 kilometr masofadan olgan. AQŞ Mudofaa vazirligining razvedka boşqarmasi - DIA suratda aynan Xitoy kosmoplani tasvirlanganini tasdiqlagan.
90 kilometrdan olingan kadr: Xitoyning maxfiy kosmoplani orbitada tasvirga tushdi
DIA ushbu suratni kosmosdagi global xavfsizlik tahdidlariga bag‘ishlangan yangi ochiq hisobotiga kiritgan. Tasvirni olgan sun’iy yo‘ldosh avval Maxar Technologies nomi bilan tanilgan Vantor kompaniyasiga tegishli.
Suratning yuqoriroq aniqlikdagi varianti apparat tuzilishini batafsilroq ko‘rish imkonini bergan. Tashqi ko‘rinishidan u AQSh Kosmik kuchlari foydalanayotgan X-37B miniatyura kosmik shattliga o‘xshaydi.
Apparatning kichik qanotlari va ikkita vertikal dum qanoti bor. Markaziy yuk bo‘linmasi ustida yuqoriga ochiladigan qopqoqlar ko‘rinadi.
Dum qismida tashqariga chiqib turgan modul, uning ikki yonida esa yoyilgan quyosh panellari aks etgan. Korpusning pastki qismida yonma-yon joylashgan ikkita bo‘linma ham ko‘rinadi. Ular uch tayanchli shassining asosiy tayanchlari uchun mo‘ljallangan bo‘lishi mumkin.
Amerikaning X-37B apparati ham uch tayanchli shassiga ega va dum qismiga qo‘shimcha yuk moduli o‘rnatilishi mumkin.
Asosiy ko‘rinadigan farqlardan biri qanotlar shaklida: Xitoy apparatida qanotning oldingi qirrasidan orqa qirrasigacha bo‘lgan masofa — xorda — X-37B’nikiga nisbatan ancha katta.
DIA hisobotida Xitoyning «Shenlun» va «Tenyun» nomli ikkita asosiy kosmoplan modeli tilga olingan. Biroq suratda ularning qaysi biri aks etgani aniqlashtirilmagan.
«Shenlun» nomi odatda Xitoy so‘nggi yillarda sinovdan o‘tkazayotgan kosmoplanga nisbatan qo‘llanadi.