"Zerikdim": uchuvchi osmonda g'ayrioddiy xabar "yozdi".

"Zerikdim": Uchuvchi osmonda g'ayrioddiy xabar "yozdi"

Britaniyaning Ravenair aviakompaniyasining uchuvchisi sinov parvozi paytida osmonda "Zerikdim" xabarini qoldirdi. Bu noodatiy hodisani Flightradar24 foydalanuvchilari payqab qolishdi.

Bir dvigatelli Piper Tomahawk 11-iyul kuni Liverpuldan uchib ketdi. U Angliya va Uelsning shimoli-g'arbiy qismida taxminan ikki soat uchdi. Sohilbo'yi hududi ustidagi xabarni osmonda "yozish" uchun uchuvchi taxminan 20 daqiqa davomida aniq manevrlarni amalga oshirdi.

Xabarlarga ko'ra, 20 yoshli instruktor dvigatel silindrini almashtirgandan so'ng sinov parvozini boshqaruvchi bo'lib o'tgan. Aviakompaniya hech qanday qoidabuzarliklarga yo'l qo'yilmaganligini ta'kidladi. Kompaniya operatsiyalari direktori Ueyn Barrett uchuvchi samolyotni tekshirish paytida shunchaki biroz zavqlanishga qaror qilganini aytdi.

"Shuni ham ta'kidlash kerakki, bu harakat juda yuqori darajadagi uchuvchilik mahoratini namoyish etdi", deb qo'shimcha qildi Barrett.