Test: “Masxaraboz”, “Yodgor” va “Vodillik kelin” kabi o‘zbek filmlarini qanchalik yaxshi bilasiz?
“Sherali va Oybarchin”, “Armon”, “Fotima va Zuhra” singari filmlarda suratga tushgan Ra’no Zokirova 7-avgustda 57 yoshni qarshiladi. Sana munosabati bilan Gazeta O‘zbekistonda xizmat ko‘rsatgan artistning filmografiyasi asosida test tayyorladi.
Test: “Masxaraboz”, “Yodgor” va “Vodillik kelin” kabi o‘zbek filmlarini qay darajada bilasiz?
Ra’no Zokirova 1969-yil 7-avgustda Toshkent shahrida tavallud topgan. Aktrisa o‘z faoliyatini 1984-yilda “O‘zbekfilm” kinostudiyasida boshlagan va 1988-yilda Xoreografiya bilim yurtini tugatgan. 1988-yildan 1995-yilgacha “Shodlik” ansamblida, 1995-yildan esa Abror Hidoyatov nomidagi teatrda ishlagan. 1999-yilda Toshkent davlat madaniyat institutining rejissyorlik bo‘limini tamomlagan.
U 1984-yildan 1994-yilgacha “Vodillik kelin”, “Armon”, “Sherali va Oybarchin” hamda “Masxaraboz” filmlarida rol o‘ynagan. 1997-yilda “Piyoda” filmida, 1998-yildan 2002-yilgacha esa “Shaytanat”, “Ayol zoti” va “Ostona” seriallarida suratga tushgan. 2003-yildan 2005-yilgacha uning ishtirokidagi “Yodgor”, “Sabr”, “Fotima va Zuhra” filmlari namoyish etilgan.
Bundan tashqari, u “Bir kam dunyo”, “Qaytar dunyo” seriallarida, shuningdek, “Alpomish”, “Novda”, “Bekatdagi odam” va “Ilhaq” filmlarida ham ishtirok etgan.
Shu sana munosabati bilan Gazeta Ra’no Zokirova filmlari asosida test tayyorladi.