Temiryo‘lda yuk tashish xizmati raqamlashtiriladi
O‘zbekistonda 2026-yil 1 oktyabrdan temiryo‘l orqali ichki qatnovlarda yuk tashish buyurtmalarini Davlat xizmatlari markazlari hamda Yagona interaktiv davlat xizmatlari portali orqali elektron shaklda rasmiylashtirish yo‘lga qo‘yiladi. Yangi tartib Vazirlar Mahkamasining 433-son qarori bilan tasdiqlangan ma’muriy reglament asosida joriy etiladi.
Temiryo‘l orqali yuk tashish xizmatlari raqamlashtiriladi
O‘zbekistonda temiryo‘l orqali mamlakat ichida yuk tashishga buyurtma berish jarayoni to‘liq raqamli formatga o‘tkaziladi. Bu Vazirlar Mahkamasining 2026-yil 5-avgustdagi 433-sonli qarori bilan tasdiqlangan “Temiryo‘l orqali ichki qatnovlarda yuk tashish uchun buyurtmalarni qabul qilish” davlat xizmati bo‘yicha ma’muriy reglamentda o‘z aksini topgan.
Yangi tartibga ko‘ra, 2026-yil 1-oktyabrdan boshlab tadbirkorlar va boshqa manfaatdor shaxslar yuk tashish uchun buyurtmalarni Davlat xizmatlari markazlari yoki Yagona interaktiv davlat xizmatlari portali orqali elektron shaklda rasmiylashtirish imkoniyatiga ega bo‘ladilar.
Mazkur qarorning asosiy maqsadi davlat xizmatini soddalashtirish, uning shaffofligi va tezkorligini oshirish, shuningdek, temiryo‘lda yuk tashish jarayonini to‘liq raqamlashtirishdan iborat. Yangi reglament xizmat ko‘rsatish tartibi, murojaatlarni qabul qilish va ko‘rib chiqish mexanizmlarini aniq belgilab beradi.