Tailandda o‘quvchi maktabda otishma uyushtirdi, qurbonlar bor (foto)

Tailandda maktabda o‘quvchi tomonidan sodir etilgan otishma natijasida bir o‘qituvchi hayotdan ko‘z yumdi, to‘rt kishi jarohatlandi. Bu haqda Reuters agentligi ma’lum qildi.

Voqea 7-avgust kuni Nonthaburi provinsiyasidagi Debsirin maktabida yuz bergan. Otishma sodir etgan shaxs maktabning 9-sinf o‘quvchisi bo‘lib, u odatda 14 yoshda bo‘ladi. Hujumdan so‘ng u o‘z joniga qasd qilgan. Politsiya fuqarolarni hodisa joyidan uzoqroq turishga chaqirgan. Mahalliy OAVlarning xabariga ko‘ra, jarohatlanganlar soni 20 nafardan oshgan.

Debsirin maktabi 1885-yilda Tailand qiroli Chulalongkorn tomonidan tashkil etilgan. Ushbu ta’lim muassasasini ko‘plab taniqli shaxslar, jumladan diplomatlar, sportchilar va bir necha bosh vazirlar bitirgan. 2025-o‘quv yilida maktabda qariyb 3100 nafar o‘quvchi va 147 nafar o‘qituvchi ta’lim olgan.

Bu Tailandda maktablarga qarshi sodir etilgan so‘nggi qurolli hujumlardan biridir. Fevral oyida Xat Yay tumanida qurollangan shaxs maktabda o‘t ochishi oqibatida bir o‘qituvchi halok bo‘lgan va bir o‘quvchi yaralangandi.