Superliga. “Neftchi” yirik hisobda g‘alaba qozondi, “OKMK” super kambek evaziga “Bunyodkor”dan ustun keldi, “Nasaf” durang qayd etdi

Superliga: "Neftchi" yirik g'alaba qozondi, "OKMK" "Bunyodkor"ni super kambek bilan mag'lub etdi, "Nasaf" durang o'ynadi

O'zbekiston Superligasining 16-turida bir qator qiziqarli futbol o'yinlari bo'lib o'tdi. Markaziy bahslarda muxlislar ko'plab gollar, shiddatli va ba'zan zerikarli uchrashuvlarga guvoh bo'lishdi.

**"Neftchi" — "Qizilqum"**

Kunning dastlabki o'yini Farg'onadagi "Istiqlol" stadionida bo'lib o'tdi. Unda mezbon "Neftchi" jamoasi Navoiyning "Qizilqum" klubi bilan kuch sinashdi.

Uchrashuvning 2-daqiqasidayoq Alisher Odilov "Neftchi"ni hisobda oldinga olib chiqdi. Birinchi bo'limning 41-daqiqasida Jamshid Iskanderov chap qanotdan uzatilgan to'pni boshi bilan darvozaga aniq yo'lladi. Ikkinchi bo'limning 65-daqiqasida Islom Ismoilov shogirdlari hisobni 3:0 ko'rinishiga keltirishdi. Jamoa pleymeykeri Jamshid Iskanderovning uzoq masofadan bergan zarbasi rikoshet orqali darvoza to'ridan joy oldi va u dubl muallifiga aylandi. Oradan 6 daqiqa o'tib, Iskanderovning uzatmasidan so'ng Stipe Peritsa to'pni darvozaga aniq yo'llab, hisobni yiriklashtirdi. Asosiy vaqtning 84-daqiqasida Alisher Odilov dubl qayd etib, yakuniy nuqtani qo'ydi – 5:0.

Ushbu g'alabadan so'ng "Neftchi" ochkolari sonini 39 taga yetkazib, turnir jadvalida yakka peshqadamlik qilmoqda. "Qizilqum" esa 17 ochko bilan 14-o'rinda bormoqda.

"Neftchi" 17-tur doirasida "Andijon" mehmoni bo'ladi. "Qizilqum" esa Muborakning "Mash'al" jamoasini qabul qiladi.

**O'zbekiston Superligasi, 16-tur**

**"Neftchi" — "Qizilqum" 5:0**

**Gollar:** 1:0 — Odilov (2), 2:0 — Iskanderov (41), 3:0 — Iskanderov (65), 4:0 — Peritsa (71), 5:0 — Odilov (84)

**"Bunyodkor"— "OKMK"**

Turning eng shiddatli uchrashuvlaridan biri Toshkentda bo'lib o'tdi. "Bunyodkor" o'z maydonida Olmaliqning "OKMK" jamoasini qabul qildi. Uchrashuv 2:3 hisobidagi mehmonlar g'alabasi bilan yakunlandi.

Uchrashuvning 26-daqiqasida "Bunyodkor" hisobni ochdi. Muzaffar Yo'ldoshevning uzatmasini Dmitriy Pletnyov darvozaga joyladi. Oradan 8 daqiqa o'tib, "OKMK" jamoasi muvozanatni tikladi. Mehmonlar himoyachisi Sardor Rahmonov Asadbek Sobirjonovga nisbatan qo'pollik ishlatdi. Natijada mehmonlar penalti ishladi. Siyavash Haqnazari 11 metrlik nuqtadan zarba yo'llashda adashmadi. Ko'p vaqt o'tmay, Mirjalol Qosimov shogirdlari yana gol urishga muvaffaq bo'lishdi. Nodirbek Abdurazzoqov juda qulay pozitsiyadan aniq zarba yo'lladi. 42-daqiqada Aziz Xolmurodov "Bunyodkor" darvozasini ishg'ol qildi. Uchrashuvning ikkinchi bo'limini "Qaldirg'ochlar" tezkor gol bilan boshladi. Nosir Abdusalomov jarima maydonchasi ichidagi palapartishlikdan foydalanib, oradagi farqni bittaga qisqartirdi. Bahsning qolgan daqiqalarida hisob o'zgarmadi – 2:3.

Ushbu super g'alabadan so'ng "OKMK" 28 ochko bilan turnir jadvalida 3-o'ringa ko'tarildi. "Bunyodkor" esa 19 ochko bilan 10-pog'onadan joy olgan.

"Bunyodkor" 17-tur doirasida "Navbahor" bilan uchrashadi. "OKMK" esa "Buxoro" bilan bahs olib boradi.

**O'zbekiston Superligasi, 16-tur**

**"Bunyodkor" — "OKMK" 2:3**

**Gollar:** 1:0 — Pletnyov (26), 1:1 — Haqnazari, penalti (33), 1:2 — Abdurazzoqov (39), 1:3 — Xolmurodov (42), 2:3 — Abdusalomov (46).

**"Nasaf" — "Qo'qon-1912"**

Turning yana bir o'yinida Qarshining "Nasaf" klubi "Qo'qon-1912"ni qabul qildi va uchrashuvda hisob ochilmadi.

Bahs mezbonlarning ustunligida o'tdi. Ammo qo'qonliklarning tartibli himoyasi evaziga jamoalar durangga imzo chekdi – 0:0.

"Nasaf" 25 ochko bilan 7-o'rinda bormoqda. "Qo'qon-1912" esa 12 ochko bilan 14-pog'onada qoldi. "Nasaf" 17-tur doirasida "Paxtakor" bilan bahs olib boradi. "Qo'qon-1912" esa "Lokomotiv" klubini qabul qiladi.

**O'zbekiston Superligasi, 16-tur**

**"Nasaf" — "Qo'qon-1912" 0:0**