Rasman. “Manchester Yunayted” Belgiya terma jamoasi sardorini o‘z safiga qo‘shib oldi

Rasman. “Manchester Yunayted” Belgiya terma jamoasi sardorini o‘z safiga qo‘shib oldi

Belgiya terma jamoasi yarim himoyachisi Yuri Tilemans “Aston Villa”dan “Manchester Yunayted”ga o‘tdi. Futbolchi bilan 2031-yilgacha davom etadigan shartnoma imzolandi.

Transfer rasmiy ravishda e’lon qilinganidan so‘ng, Tilemans yangi klubiga qo‘shilganidan mamnunligini bildirdi.

“‘Manchester Yunayted’ futbolchisi bo‘lishimdan naqadar faxrlanishimni so‘z bilan ifodalash qiyin. Bunday buyuk klub bilan shartnoma imzolash men uchun aql bovar qilmas voqea va futbolni sevib qolganimdan beri qilgan mehnatlarimning eng yuksak natijasidir. Faoliyatim davomida muayyan yutuqlarga erishdim, ammo bu meni yanada katta marralarni zabt etishga undaydi. Klubdagi barchaning maqsadi aniq — yaqin yillarda eng nufuzli sovrinlar uchun kurashish”, dedi Tilemans “Manchester Yunayted” rasmiy saytiga bergan intervyusida.

2025/26-yilgi mavsumda Tilemans barcha musobaqalarda 34 ta uchrashuvda maydonga tushib, 2 ta gol urdi va 7 ta golli uzatmani amalga oshirdi.

Yarim himoyachi 2026-yilgi FIFA Jahon chempionatida ham Belgiya terma jamoasining yetakchilaridan biri bo‘ldi. Jamoa uning sardorligi ostida mundialda chorak final bosqichigacha yetib bordi va Ispaniyaga 1:2 hisobida imkoniyatni boy berdi.