Qora ro‘yxat: Kembrij gersoginyasi Keyt Middltonga nega kartoshka iste’mol qilish taqiqlangan?

Qora ro‘yxat: Kembrij gersoginyasi Keyt Middltonga nega kartoshka iste’mol qilish taqiqlangan?

Kembrij gersoginyasi Keyt Middlton bir qator noodatiy ovqatlanish qoidalariga amal qiladi, bu hatto britaniyalik jurnalistlarni ham hayratda qoldirgan.

Buyuk Britaniyaning bo‘lajak malikasi maqomi nafaqat imtiyozlar va imkoniyatlarni, balki so‘zsiz rioya qilinishi shart bo‘lgan ko‘plab qoida va rasmiyatchiliklarni ham o‘z ichiga oladi. Ulardan ba’zilari haqiqatan ham ajablanarli. Masalan, Kembrij gersoginyasiga kartoshka va boshqa uglevodlarni iste’mol qilish taqiqlangan.

Ratsionda kartoshkadan tashqari guruch va makaron ham mavjud. Sobiq qirollik oshpazi Darren MakGreydining so‘zlariga ko‘ra, bu qirollik oilasining yuqori martabali a’zolari orasida uzoq yillik an’anadir. Bu qirolicha Yelizaveta II ning ovqatlanish odatlari bilan bog‘liq bo‘lib, aynan u uglevodlarni iste’mol qilmagani uchun kartoshkani taqiqlashni buyurgan. Biroq, bu qoidaga faqat Britaniya qirollik oilasi a’zolari monarx bilan birga tushlik yoki kechki ovqat paytida amal qiladi. O‘z turar joylarida har kim xohishiga ko‘ra ovqatlanishi mumkin. Ayniqsa, Keyt italyan taomlarini yaxshi ko‘radigan farzandlari shahzoda Jorj va malika Sharlotta bilan makaron pishirishni yaxshi ko‘radi.

Britaniya qirollik oilasida ovqatlanishga oid yana bir qancha qiziqarli taqiqlar mavjud. Avvalo, qirollikning katta a’zolari sayohat paytida zararli mahsulotlardan qochishi kerak. Xususan, bu og‘ir oqsil zaharlanishiga olib kelishi mumkin bo‘lgan mollyuskalarga tegishli. Taqiq xom go‘shtni ham o‘z ichiga oladi, shuning uchun rasmiy tadbirlar va sayohatlarda qirollik oilasi tartar yoki karpachcho kabi taomlardan voz kechadi. Biroq, istisnolar bo‘lishi ham mumkin. Kembrij gersogi sushini juda ham yaxshi ko‘radi. Sarimsoq (va u qo‘shib tayyorlanadigan taomlar) og‘izdan kelib chiqadigan yoqimsiz hid tufayli qirollik oilasining menyusida taqiqlangan. Iste’dodli oshpaz sifatida tanilgan Kornuol gersoginyasi Avstraliyaning “Master Chef” shousiga tadbirlardagi menyu xususiyatlari haqida gapirib berdi. Kamillaning so‘zlariga ko‘ra, mehmonlarga tortiladigan taomlarda sarimsoq ko‘p bo‘lmasligi kerak. Ma’lumotni Darren MakGreydi ham tasdiqladi va u taqiq piyozga ham tegishli ekanini ta’kidladi.