O‘zbekistonda kreditlar bo‘yicha o‘rtacha stavka 19,8 foizga tushdi
2026 yil iyun oyi yakunlariga ko‘ra, O‘zbekistonda milliy valyutadagi kreditlar bo‘yicha o‘rtacha foiz stavkasi 19,8 foizni tashkil etdi.
O‘zbekistonda kreditlar bo‘yicha o‘rtacha foiz stavkasi 19,8 foizga pasaydi.
Toshkent, O‘zbekiston (UzDaily.uz) —
Markaziy bank ma’lumotlariga ko‘ra, O‘zbekistonda 2026-yil iyun oyi yakunlari bo‘yicha milliy valyutada berilgan kreditlarning o‘rtacha nominal foiz stavkasi 19,8 foizni tashkil etdi. Bu o‘tgan yilning shu davriga nisbatan 0,6 foiz bandiga kamdir.
Tijorat kreditlari bo‘yicha o‘rtacha nominal foiz stavkasi 21,6 foizga yetdi, bu 2025-yil iyun oyidagi ko‘rsatkichdan 1,4 foiz bandiga past.
Milliy valyutadagi kreditlar bo‘yicha real foiz stavkasi jismoniy shaxslar uchun 9,2 foizni, yuridik shaxslar uchun esa 8,8 foizni tashkil etdi.
Shu bilan birga, xorijiy valyutada ajratilgan kreditlar bo‘yicha o‘rtacha nominal foiz stavkasi o‘sdi. Iyun oyi yakunlariga ko‘ra, bu ko‘rsatkich 10,3 foizni tashkil etib, o‘tgan yilning mos davriga nisbatan 0,4 foiz bandiga yuqori bo‘ldi.