O‘zbekistonda bozor xizmatlari hajmi qariyb 665 trln so‘mga yetdi

O‘zbekistonda bozor xizmatlarining umumiy hajmi qariyb 665 trillion so‘mga yetdi.

Milliy statistika qo‘mitasining ma’lumotlariga ko‘ra, 2026-yilning yanvar-iyun oylari davomida O‘zbekistonda ko‘rsatilgan bozor xizmatlari hajmi 664,9 trillion so‘mni tashkil etdi. Bu ko‘rsatkich o‘tgan yilning shu davriga nisbatan 16,9 foizga o‘sganini ko‘rsatadi.

Hisobot davrida xizmatlar tarkibida eng katta ulush savdo xizmatlariga to‘g‘ri keldi, ularning hajmi 170 trillion so‘mga yetdi.

Shuningdek, yashash va ovqatlanish xizmatlari 115,2 trillion so‘m, moliyaviy xizmatlar 104,2 trillion so‘m, transport xizmatlari esa 103,9 trillion so‘mni tashkil etdi.

Hisobotga ko‘ra, aloqa va axborotlashtirish xizmatlari hajmi 51,9 trillion so‘mga, ta’lim sohasidagi xizmatlar esa 23,8 trillion so‘mga yetgan.

Bundan tashqari, ko‘chmas mulk bilan bog‘liq xizmatlar 16,2 trillion so‘m, shaxsiy xizmatlar 11,9 trillion so‘m, sog‘liqni saqlash xizmatlari esa 11,3 trillion so‘mni tashkil etgan.

Qolgan xizmat turlari orasida me’morchilik, muhandislik izlanishlari, texnik sinovlar va tahlil xizmatlari 8,9 trillion so‘m, kompyuterlar va maishiy tovarlarni ta’mirlash xizmatlari 7,8 trillion so‘m, ijara xizmatlari esa 7,6 trillion so‘mni tashkil etdi.