O‘zbekiston va Qirg‘iziston o‘rtasida pensiya ta’minoti to‘g‘risidagi bitim imzolandi
Bitimda belgilanishicha, davlatlar fuqaroning o‘z hududida orttirgan ish staji uchun pensiya tayinlaydi va to‘laydi. Pensiya miqdori har bir davlatning milliy qonunchiligi asosida, shu davlat hududida ishlagan staj, ish haqi yoki to‘langan sug‘urta badallaridan kelib chiqib hisoblanadi. Bir davlatda tayinlangan pensiyani pensioner boshqa tomon hududiga ko‘chgan taqdirda ham olishda davom etadi.
Qirg‘iziston va O‘zbekiston pensiya ta’minoti bo‘yicha kelishuvga erishdi.
2026-yil 30-iyul kuni Cho‘lpon-Ota shahrida bo‘lib o‘tgan oliy darajadagi uchrashuvda davlat ijtimoiy sug‘urtasi va pensiya ta’minoti haqidagi bitim imzolandi.
Ushbu bitim ikki mamlakat hududida mehnat faoliyatini olib borgan fuqarolarning pensiya huquqlarini himoya qilishni va pensiya ta’minoti sohasidagi hamkorlikni yangi bosqichga ko‘tarishni maqsad qilgan.
Bitimning asosiy shartlari quyidagilardan iborat:
* Har bir davlat fuqaroning o‘z hududida to‘plagan ish (sug‘urta) staji uchun pensiya tayinlaydi va to‘laydi.
* Pensiya miqdori har bir davlatning milliy qonunchiligiga asosan, shu davlat hududida ishlagan staj, ish haqi yoki to‘langan sug‘urta badallaridan kelib chiqib hisoblanadi.
* Bir davlatda tayinlangan pensiyani pensioner boshqa tomon hududiga ko‘chib o‘tgan taqdirda ham olish imkoniyati kafolatlanadi.
* Ikki davlat fuqarolariga teng huquqlar beriladi, shuningdek, dafn etish nafaqasi, tibbiy-ijtimoiy ekspertiza, shaxsga doir ma’lumotlarni himoya qilish va vakolatli organlar o‘rtasida axborot almashish tartiblari belgilab qo‘yiladi.
Mazkur hujjat O‘zbekiston va Qirg‘izistonda ishlagan fuqarolarning pensiya huquqlarini ta’minlash, ularning ijtimoiy himoyasini kuchaytirish hamda ikki davlat pensiya tizimlari o‘rtasidagi majburiyatlarni adolatli taqsimlashga xizmat qiladi.