Mahmud Ahmadinajod atrofidagi sirli o‘yin: «Mossad bilan hamkorlik»
The New York Times nashrida e’lon qilingan surishtiruv Eronning sobiq prezidenti Mahmud Ahmadinajod atrofidagi eng shov-shuvli da’volardan birini o‘rtaga chiqardi. Nashrning yozishicha, Isroilning tashqi razvedka xizmati — Mossad bir necha yil davomida Ahmadinajod bilan aloqa o‘rnatishga uringan va uni Eronda ehtimoliy siyosiy o‘zgarishlardan keyingi rahbar sifatida ko‘rgan. Bu...
Mahmud Ahmadinajod atrofidagi sirli vaziyat: «Mossad bilan aloqalar»
The New York Times nashrida e’lon qilingan surishtiruv Eronning sobiq prezidenti Mahmud Ahmadinajodga oid eng shov-shuvli da’volardan birini ochib berdi. Nashrning ma’lum qilishicha, Isroilning tashqi razvedka xizmati — Mossad bir necha yil davomida Ahmadinajod bilan aloqalar o‘rnatishga harakat qilgan va uni Erondagi siyosiy o‘zgarishlardan keyin rahbar sifatida ko‘rgan. Hozircha bu da’volar mustaqil ravishda tasdiqlanmagan, Ahmadinajod esa ularni to‘liq rad etgan.
Nashrga ko‘ra, 2024 yilda Vengriyadagi Lyudovika Davlat xizmati universitetida o‘tkazilgan iqlim konferensiyasi aslida Ahmadinajodning Isroil razvedkasi vakillari bilan yashirin muloqot qilish uchun tashkil etilgan. Universitet rektori Gergey Deliga yuqori lavozimli hukumat amaldori ushbu tadbirni tashkil etish bo‘yicha murojaat qilgan. Rektorning so‘zlariga ko‘ra, konferensiya faqat rasmiy ko‘rinish uchun o‘tkazilayotgani tushuntirilgan.
Manbalarning iddao qilishicha, Ahmadinajod 2024 va 2025-yillarda Budapeshtga ikki marta tashrif buyurgan va bu safarlar davomida Mossad vakillari bilan uchrashgan. Hatto o‘sha paytda Mossad rahbari bo‘lgan David Barneaning shaxsan Budapeshtga kelgani ham qayd etilgan.
The New York Times surishtiruviga ko‘ra, Isroil Eronda hokimiyat almashishi yuz bergan taqdirda Ahmadinajodni yangi siyosiy yetakchi sifatida ilgari surish rejasini ishlab chiqqan.
Nashrning yozishicha, so‘nggi yillarda Ahmadinajodga turar joy va xorijiy safarlari uchun mablag‘ ajratilgan, shuningdek, u xorijda bir necha marta maxfiy uchrashuvlarda ishtirok etgan. Surishtiruvda keltirilishicha, 2026-yil fevral oyida AQSh–Isroil va Eron o‘rtasidagi harbiy to‘qnashuvlar boshlangan paytda Ahmadinajodni Tehrondan olib chiqish bo‘yicha maxsus operatsiya ham rejalashtirilgan. Buning uchun uning qarorgohi yaqiniga berilgan aviazarbadan keyin Mossad agentlari boshqarayotgan avtomobilda xavfsiz joyga olib ketilgani iddao qilinmoqda. Biroq reja amalga oshmay qolgan.
Surishtiruvda Ahmadinajodning prezidentlikdan ketganidan keyingi siyosiy qiyofasi ham tahlil qilingan. Nashr ta’kidlashicha, u avvalgi keskin antiisroil bayonotlarini deyarli to‘xtatgan, tashqi ko‘rinishini o‘zgartirgan, ingliz tilini o‘rgangan, xalq bilan ochiq muloqotlarga ko‘proq e’tibor qaratgan hamda Erondagi korrupsiya va xavfsizlik idoralari faoliyatini tanqid qilgan. Shu bilan birga, uning mamlakat rahbarligiga qaytish istagi saqlanib qolgan, atrofidagilarga Eron kelajagida muhim siyosiy rol o‘ynashi mumkinligini aytgani ham keltiriladi.
Nashr e’lon qilinganidan so‘ng, Mahmud Ahmadinajodning matbuot xizmati rasmiy bayonot bilan chiqib, The New York Times keltirgan barcha ma’lumotlarni «mutlaqo yolg‘on» deb atadi. Uning idorasi Ahmadinajodning uy qamog‘ida ekanini, Mossad bilan hamkorlik qilgani yoki Isroil tomonidan qo‘llab-quvvatlangani haqidagi da’volar haqiqatga to‘g‘ri kelmasligini bildirdi.
Shu tariqa, hozircha mazkur surishtiruvda keltirilgan iddaolar mustaqil manbalar tomonidan tasdiqlanmagan. Biroq material Eron, Isroil va mintaqadagi geosiyosiy jarayonlar haqidagi bahslarni yanada kuch