Bolani o‘qish va yozishga qachondan o‘rgatish kerak? Psixolog tavsiyasi

Bolalarni o‘qish va yozishga o‘rgatish uchun qaysi yosh eng maqbul? Psixolog maslahatlari

Bolalar qaysi yoshdan boshlab o‘qish va yozishni o‘rganishlari kerak? Ushbu savolga psixologiya fanlari nomzodi, dotsent, neyropsixolog Anastasiya Gavrilyus javob berdi.

Mutaxassisning so‘zlariga ko‘ra, taxminan to‘rt yoshdan boshlab bolalarga tovushlarni farqlashni o‘rgatish va shu yo‘nalishda maxsus mashg‘ulotlar o‘tkazish mumkin. Besh yoshdan esa yozishni o‘rgatishni boshlash mumkin. Ya’ni, to‘rt yoshda bolaga tovushni ajratish va uni tegishli harf bilan bog‘lash o‘rgatiladi, besh yoshda esa yozishni o‘rgatishga kirishiladi.

Foto: Layfhaker

Uning ta’kidlashicha, bu davrgacha bolaning mayda motorikasi yaxshi rivojlangan bo‘lishi juda muhim. Buning uchun bola plastilindan turli shakllar yasashi, rasm chizishi, iplarni bog‘lashi va qo‘l barmoqlari harakatini rivojlantiradigan boshqa mashg‘ulotlar bilan shug‘ullanishi kerak. Bu uning qo‘lini yozishga tayyorlaydi va yozma nutqni o‘zlashtirish jarayonini osonlashtiradi.