Banklardan pasportsiz 500 dollargacha naqd valyuta olish tartibi ishga tushdi

Banklardan pasportsiz 500 dollargacha naqd valyuta olish tartibi joriy etildi

Oʻzbekiston banklarida 500 AQSH dollarigacha boʻlgan naqd valyutani shaxsni tasdiqlovchi hujjatsiz olish imkoniyati yaratildi. Ushbu yangi tartib 2026-yil 9-avgustdan boshlab amalda.

Ilgari banklardan hujjatsiz olinishi mumkin boʻlgan chet el valyutasining eng yuqori miqdori 100 dollarni tashkil etardi. Yangi tartibga koʻra, bu limit besh barobarga oshirildi.

Adliya vazirligi may oyida ushbu tashabbusni ilgari suruvchi qarorni davlat roʻyxatidan oʻtkazgan edi. Unga koʻra, yangi tartib uch oydan soʻng kuchga kirishi belgilangan edi.

Mart oyida Markaziy bank va Bosh prokuratura huzuridagi Iqtisodiy jinoyatlarga qarshi kurashish departamenti qaror loyihasini jamoatchilik muhokamasiga qoʻygan edi. Hujjatga muvofiq, mijozlarni identifikatsiya qilish tartiblari ham aniqlashtirilishi koʻzda tutilgan.

Qarorga asosan, banklar jismoniy shaxslarni biometrik pasport, ID karta yoki raqamli identifikatsiya orqali tekshirishi lozim boʻladi. Shu bilan birga, pul oʻtkazmalari va boshqa moliyaviy operatsiyalar boʻyicha maʼlumotlarni yanada batafsil qayd etish talablari kuchaytirilmoqda.

Avvalroq murojaatlar boʻyicha eng salbiy koʻrsatkichga ega boʻlgan 10 ta bank nomi eʼlon qilingan edi.