3 soat taqilgan protez: qo‘lsiz haydovchi hikoyasi
Muhammadali Salohiddinovning tug‘ma nogironligi bor. Biroq u barmoqlarsiz ham avtomashinani yaxshi boshqaradi. “Shu yoshga kirib umrimda bir marta protez taqqanman: u ham bo‘lsa to‘yim kuni turmush o‘rtog‘im yaqinlari oldida uyalib qolmasligi uchun”, – deydi u Kun.uz muxbiri bilan suhbatda.
**3 soatlik protez: Qo‘lsiz haydovchining hikoyasi**
Muhammadali Salohiddinov tug‘ma nogiron bo‘lishiga qaramay, barmoqlarsiz ham avtomobilni mohirona boshqaradi. U Kun.uz muxbiri bilan suhbatda shunday deydi: "Shu yoshga kirib, umrimda bir marta protez taqqanman. U ham bo‘lsa, to‘yim kuni turmush o‘rtog‘im yaqinlari oldida xijolat bo‘lmasligi uchun edi."
Namangan shahrida yashovchi qahramonimiz o‘z oilasi, barmoqlarsiz avtomobil boshqarish mahorati va orzulari haqida so‘zlab berdi:
"27 yoshimgacha faqat bir marta protez qo‘l taqishga majbur bo‘lganman. Bu ham to‘yim kuni turmush o‘rtog‘imni uyidan olib chiqib ketish uchun edi. Kelinchakni ko‘pchilik oldida uyaltirmaslik, xijolatga qo‘ymaslik maqsadida 12500 dollarga protez sotib olib, uni 3 soat davomida taqib yurganman."
"Nogironlik avlodimizda bo‘lmagan. Oilada ikkinchi farzandman. Tug‘ma qo‘lsiz dunyoga kelganman. Alhamdulillah, shu holatimda ham barcha yumushlarni bajara olaman. Ikki qizim bor. Katta qizim ba’zida qo‘limga qarab, keyin o‘zining qo‘liga qarab, 'Dada, qo‘lingiz nega bunday?' deb so‘raydi. Unga javob berishga harakat qilaman..."
"Barmoqlarsiz bo‘lsam ham, avtomobilni yaxshi boshqaraman. Otam meni 'Jiguli' va 'Damas' mashinalarining oldiga o‘tkazib, boshqarishni o‘rgatganlar. Otamning boshqarishlarini kuzatib, tajriba orttirib, keyin rulga o‘tirganman. Xudoga shukur, hozirda sog‘lom odamlar kabi mashina boshqara olaman."
"Ko‘p xonadonlarga sovchilikka borganmiz. Holatimni ko‘rib, qizini bermagan oilalar ham bo‘ldi. Ammo men xohlagan ayol topildi. Turmush o‘rtog‘im meni juda yaxshi tushunadi. Alhamdulillah, baxtliman, ikki qizim bor."
"Kompyuter tuzatishni, kuzatuv kameralari o‘rnatishni, konditsioner ta’mirlashni o‘rganganman. Odamlarning uyiga, tashkilotlarga kamera o‘rnatib tirikchilik qilaman. Bundan tashqari, ijtimoiy tarmoqlarda o‘zimning shaxsiy sahifalarim ham bor. Undan ham daromad keladi."
"Yagona va eng katta orzuim – haydovchilik guvohnomasini olish. Mashina boshqarishni uddalasam ham, holatim sababli haydovchilik guvohnomasi olish nasib qilmayapti."