Европа марказий банки раҳбари муддатидан олдин лавозимини тарк этмоқда
Кристин Лагарднинг ваколат муддати 2027-йил октабр ойида тугаşи керак эди.
Европа марказий банки раҳбари муддатидан олдин лавозимни тарк этади
Европа марказий банки раҳбари Кристин Лагард ўз лавозимини муддатидан олдин тарк этмоқда. Банк матбуот хизматининг хабар беришича, Лагард 2027-йил 7-феврал куни истеъфога чиқади. Лагард бу ҳақда ЕМБ Бошқарув кенгаши ва Европа кенгаши раиси Антониу Коşтага маълум қилган.
Реутерс агентлигининг эслатишича, Кристин Лагарднинг ваколат муддати 2027-йил октабр ойида тугаши керак эди.
Лагарднинг кетиши Франсия президенти Эмманюел Макрон ва Германия канслери Фридрих Мерсга 2027-йил апрелда Франсияда бўлиб ўтадиган сайловларгача янги раҳбар тайинлаш масаласини ҳал қилиш имконини беради, деб ёзади дпа агентлиги. Унинг муддатидан олдин кетиши мумкинлиги ҳақида анча вақтдан бери маълум эди. Марин Ле Пен бощилигидаги ўнг популистлар Франсиядаги сайловларда ғалаба қозониши, бу эса ЕМБнинг янги раҳбариятини тайинлашни қийинлаштириши мумкин, дея аниқлик киритади агентлик.
Аввалроқ ДВ Лагарднинг муддатидан олдин истеъфога чиқишидан кўзланган мақсад ЕМБ раҳбари лавозимига Европа тарафдори бўлган мўтадил қарашларга эга номзод сайланишини таъминлаш бўлиши мумкинлигини қайд этганди.
Шу билан бирга, ҳатто ихтиёрий равишда муддатидан олдин лавозимни тарк этиш ҳам ЕМБ мустақиллиги борасида хавотирлар уйғотиши мумкин, деб таъкидлаган экспертлар. Банк сиёсий аралашувларсиз фаолият юритиши керак, унинг ваколатлари эса Европа Иттифоқини ташкил этиш тўғрисидаги шартномалар билан ҳимояланган нархлар барқарорлигини таъминлашга қаратилган. Таҳлилчилар яқин истиқболда банкнинг пул-кредит сиёсати ўзгаришсиз қолишини кутмоқда.
Реутерс агентлигининг ёзишича, Лагард Жаҳон иқтисодий форумига ишга ўтиши мумкин. Европа кенгаши раиси Коşта Лагарднинг ўрнига номзодни аниқлаш жараёни 29-октабр куниёқ бошланишини маълум қилди.