Японияда Мазда МХ-5 чиройли классик дизайнда тақдим этилди
Мицуока янги икки ўринли ЛА1 родстерининг дизайнини ошкор қилди. Автомобил узун орқа ўсимталар, хромланган безаклар ва Сорветте С1 моделига ўхшаш ён қисмларга эга бўлди.
Японияда Мазда МХ-5 классик услубда тақдим этилди
Япониянинг Мицуока компанияси классик Чевролет Сорветте С1 руҳида ишланган янги икки ўринли ЛА1 родстерини тайёрламоқда. Ушбу автомобил учун асос сифатида замонавий Мазда МХ-5 хизмат қилади.
Мицуока ЛА1 нинг расмий премьерасини 26-ноябрга белгилади. Ҳозирча компания фақат илк суратларни эълон қилиб, бўлажак моделнинг ташқи кўринишини ошкор қилди.
Родстернинг олд қисми 1950-йиллардаги Сорветте С1 ни эслатади. Автомобил тўртта фара, катталаштирилган радиатор панжараси, капотдаги вентиляция тешиклари ва олд сплиттер билан жиҳозланган. Орқа қисми ҳам классик Америка родстери услубида бажарилган: кузов ён томонларидаги чироқлар, кўп хром ва винтаж бампер бунга мисол.
Японияда ҳозирги Мазда МХ-5 НД 132 ва 184 от кучига эга 1,5 ва 2 литрли тўрт силиндрли двигателлар билан таклиф этилади. Иккала мотор ҳам олти поғонали механик ёки автоматик узатмалар қутиси ҳамда орқа ғилдиракдан тортувчи тизим билан ишлаши мумкин. Янги модел нархи ҳозирча ошкор этилмаган.
ЛА1 Мицуока компаниясининг МХ-5 асосида яратилган ва Сорветтеъдан илҳомланган иккинчи лойиҳаси бўлади. 2018-йилда компания Роск Стар родстерини тақдим этган эди, унинг дизайни МХ-5 НД платформасини Американинг Сорветте С2 элементлари билан уйғунлаштирганди. Янги ЛА1 эскизларини ҳам Роск Стар устида ишлаган дизайнер Таканори Аоки яратган.