Японияда 291 минг долларлик ўғирланган соат почта орқали қайтариб юборилди
Унга узр сўраб ёзилган хат илова қилинган эди.
Японияда 291 минг долларлик ўғирланган соат почта орқали қайтариб юборилди
Токиода ўғирланган Аудемарс Пигует соати почта орқали дўконга қайтариб юборилди.
Якшанба куни эрталаб Накано туманидаги дўконга Аичи префектурасидан почта жўнатмаси етиб келди. Унинг ичида қўл соати ва хат бор эди.
Буюмдаги идентификация рақами аввалроқ дўкондан ўғирланган модел рақамига мос келгани аниқланди. Соатда кўзга ташланадиган шикастланишлар йўқ эди. Шунингдек, жўнатма ичида узрнома ҳам бўлган. Юборувчининг исми кўрсатилган бўлса-да, полиция у уйдирма бўлиши мумкинлигини тахмин қилмоқда.
Ўғрилик пайшанба куни кечқурун содир бўлган. Ўзини харидор сифатида таништирган номаълум эркак нархи 291 минг доллар бўлган соатни тақиб кўрган. У дўконда 8 дақиқа бўлиб, сўнг чап қўлига тақилган соат билан кўздан ғойиб бўлган.
Бу мазкур савдо марказида сўнгги бир неча ой ичида содир этилган иккинчи ўғриликдир. Август ойида икки нафар чилилик умумий қиймати 1,2 миллион долларлик тўртта қимматбаҳо қўл соатини ўғирлаб кетган эди. Кейинроқ улар қўлга олинган.