Янги Тошкентда тадбиркорга ер ажратишдан тортиб, лойиҳани ишга туширишгача бўлган жараён қайта кўриб чиқилиши мумкин
Шавкат Мирзиёев Янги Тошкентда тадбиркорга ер ажратишдан тортиб, лойиҳани ишга туширишгача бўлган жараён қайта кўриб чиқилиши зарур эканини таъкидлади. У эскича талаблар, чўзиладиган рухсат жараёнлари ва айрим идоралар ҳамкор ўрнига назоратчидек иш тутиши лойиҳаларга тўсиқ бўлаётганини қайд этди.
Янги Тошкентда тадбиркорга ер ажратишдан бошлаб лойиҳани ишга туширишгача бўлган жараён қайта кўриб чиқилиши мумкин
Янги Тошкентда тадбиркорга ер ажратишдан тортиб, лойиҳани ишга туширишгача бўлган жараённи қайта кўриб чиқиш зарурлигини Шавкат Мирзиёев инвестор ва тадбиркорлар билан учрашувда таъкидлади.
“Янги Тошкент фақат янги уй-жой қуриладиган ҳудуд эмас”, — деди президент.
Қайд этилишича, бу ҳудуд замонавий бизнес, таълим, тиббиёт, туризм ва хизмат кўрсатишни ўзига жалб этадиган мустақил иқтисодий марказга айланиши керак. Бироқ ҳозиргача ажратилган ерларнинг учдан икки қисми уй-жой лойиҳаларига тўғри келмоқда.
Инвесторларга берилган 28 та лотда ҳали фаол қурилиш бошланмаган. Давлат раҳбари буни сармоядорларда маблағ ёки хоҳиш йўқлиги билан изоҳлаш тўғри эмаслигини айтди. Эскича талаблар, чўзиладиган рухсат жараёнлари ва айрим идораларнинг ҳамкор ўрнига назоратчи сифатида иш тутиши лойиҳаларга тўсқинлик қилмоқда.
“Инвестор эса кутмайди. У кўмак ва кафолат сезмаса, маблағини бошқа бозорга йўналтиради”, — деди мамлакат раҳбари.
Шу боис, тадбиркорга ер ажратишдан тортиб, лойиҳани ишга туширишгача бўлган жараённи қайта кўриб чиқиш зарурлиги таъкидланди.
Ҳозир Янги Тошкентда ерга талаб ортиб бормоқда. Бир гектарнинг ўртача қиймати 2024-йилда 10 миллиард сўмга етмаган бўлса, ҳозир 19 миллиард сўмга чиққан.