Яндех Мапс илк бор Ўзбекистоннинг уч шаҳрида батафсил йўл хариталарини ишга туширди
Энди Яндех Мапс ҳамда Яндех Навигатор иловаларида Тошкент, Андижон ва Наманганда сафар давомида хизмат ҳаракат бўлаклари, чизиқлар, чиқишлар ва хавфсизлик ороллари билан йўлнинг батафсил схемасини кўрсатади.
Яндех Мапс илк бор Ўзбекистоннинг учта шаҳрида батафсил йўл хариталарини ишга туширди
Яндех Мапс илк бор Ўзбекистоннинг учта шаҳри — Тошкент, Андижон ва Наманганда батафсил йўл хариталарини ишга туширди. Энди сафар пайтида хизмат йўл чизиқлари, бурилиш ва чиқиш йўллари ҳамда хавфсизлик майдонларини кўрсатган ҳолда, йўлнинг аниқ схемасини намойиш этади. Бу ҳайдовчиларга олдиндан керакли линияни танлаш, ўз вақтида қайта сафланиш ва мураккаб йўлларда янада ишончли ҳаракатланишга ёрдам беради.
Янги формат ҳозир Тошкентнинг барча йўлларида, Андижон ва Наманганда эса марказий ҳудудлар ҳамда асосий магистралларда ишлайди. Батафсил хариталарни яратиш учун Яндех Мапс жамоаси уч шаҳарда 2760 километр йўлни рақамлаштирди.
Ҳаракат вақтида Яндех Мапс йўл бўлакларини ҳисобга олган ҳолда тавсия этиладиган ҳаракат траекториясини кўрсатади. Бу ҳайдовчига бурилиш ёки чиқиш йўли олдидан керакли линияда олдиндан туриш имконини беради. Харитада йўналиш бўйлаб жойлашган биноларнинг 3Д кўриниши ҳам акс этади. Улар, жумладан, ГПС сигналида узилишлар бўлган ҳолатларда қўшимча мўлжал сифатида хизмат қилиши мумкин.
“Тошкент ва Ўзбекистоннинг бошқа шаҳарлари тез ўзгармоқда: йўл инфратузилмаси ривожланмоқда, янги йўллар, кўприклар, туннеллар, йўл ўтказгичлар ва мураккаб транспорт ечимлари пайдо бўлмоқда. Навигация ҳам бу ўзгаришларга мослашиб бориши керак. Ўзбекистон Марказий Осиёда Яндех Мапс йўлларнинг бундай даражада аниқ тасвирланиши бир вақтнинг ўзида учта шаҳарда жорий этилган биринчи давлат бўлди. Келгусида бундай хариталар мамлакатнинг бошқа шаҳарларида ҳам пайдо бўлади”, — деди Яндех Узбекистан раҳбари Иззат Шукуров.
Аниқ хариталарни яратишда Яндех Мапс картографлари бир нечта маълумот манбалари, жумладан, сунъий йўлдош тасвирлари, панорама ва ҳудуд фотосуратларидан фойдаланди. Йўл чизиқларини харитага янада аниқ кўчиришда панорамаларни репроексия қилиш технологияси ёрдам беради.
Янгиланган хариталар Яндех Мапс иловасининг “Навигатор” бўлимида, шунингдек, алоҳида Яндех Навигатор иловасида мавжуд. Йўлларни уч ўлчамли форматда кўриш учун созламаларда 3Д режимини ёқиш керак: “Навигация” — “3Д режими”.
Йўлнинг батафсил белгилари туширилган харита СарПлай ёки Андроид Аутўга уланган ҳолда ҳам мавжуд.