Хитойлик мис магнати фирибгарлик иşи бöйиçа умрбод қамоқ жазосига ҳукм қилинди
Хитойнинг йирик мис савдоси компанияси Маике Металс Интернатионал асосçиси Хе Сзинби фирибгарлик ва порахöрлик каби жиноятларда айбдор деб топилиб, умрбод қамоқ жазосига ҳукм қилинди.
Хитойлик мис магнати фирибгарлик иши бўйича умрбод қамоқ жазосига ҳукм қилинди
Хитойнинг Маике Металс Интернатионал савдо уйи асосчиси Хе Сзинби фирибгарлик ва бошқа жиноятларга оид иш бўйича умрбод қамоқ жазосига ҳукм қилинди.
Агентлик суҳбатдошларининг сўзларига кўра, Сиан шаҳри суди сентабр ойида Маике компанияси раҳбарини шартномавий фирибгарлик, порахўрлик ва бошқа жиноятларда айбдор деб топиб, ҳукм чиқарган. Блоомберг манбаларининг таъкидлашича, суд компаниянинг хатти-ҳаракатлари Хитойнинг бир неча банкига 1 миллиард доллардан ортиқ зарар кўриш хавфини туғдирганини аниқлаган.
61 ёшли тадбиркор ҳукм устидан шикоят киритган. Суд қарорининг ўзи эълон қилинмаган.
Суд жараёнида ҳимоя томони тадбиркор ҳам, унинг компанияси ҳам фирибгарлик қилиш ниятида бўлмаганини қатъий таъкидлаган. Блоомберг хабарига кўра, адвокатлар Маике ўн йилдан ортиқ вақт мобайнида банклар билан ҳамкорлик қилиб келганини ҳамда пандемия чекловлари туфайли пул оқимлари ёмонлашгандан кейин ҳам мажбуриятларини бажаришга интилиб, кредитларни мунтазам равишда сўндириб борганини кўрсатиб ўтишган. Ҳимоя томонининг талқинига кўра, банк йўқотишларининг ҳеч бўлмаганда бир қисми кредиторларнинг ўзидаги хавф-хатарларни бошқариш ички тизимларининг камчиликлари билан боғлиқ бўлган.
Хе Сзинби 1993-йилда Сиан шаҳрида дўстлари билан бирга 50 минг юан — ўша пайтдаги курс бўйича тахминан 8,7 минг доллар миқдорида кредит олиб, Маике компаниясига асос солган. Компания ишни механик ва электротехника маҳсулотлари савдосидан бошлаб, кейинчалик металлолом, мис симлар ва тозаланган мис савдосига ўтган. Блоомберг нашрининг таъкидлашича, компания ўз ривожланишининг энг юқори чўққисида Хитой мис импортининг тўртдан бир қисмини таъминлаган.
Маике ўзи ташиган ва омборларда сақлаган металлни гаровга қўйиб кредитлар жалб қилган, шунингдек, меҳмонхоналар ва бизнес марказларига сармоя киритган. 2022-йилда пандемия чекловлари компания фаолиятини издан чиқарди, Хитой кўчмас мулк бозоридаги инқироз эса унинг инвестицияларига зарба берди. Бундан ташқари, мис нархининг тушиб кетиши молиявий қийинчиликларни янада кучайтирди.
2023-йил октабр ойида Маике раҳбарлари асосчи билан алоқани йўқотиб, уни полиция ҳибсга олган деган тахминга боришди. Кейинги ойда компания банкротлик тўғрисида ариза берди.