Хитой компанияси Пентагонни судга берди
Компания ўзининг Хитой ҳарбий секторини қўллаб-қувватловчи ташкилотлар “қора рўйхати”га киритилганидан норози.
Хитойнинг ЧангХин Меморй Течнологиес (СХМТ) хотира микросхемалари ишлаб чиқарувчиси Пентагон устидан судга мурожаат қилди.
Компания ўзининг Хитой ҳарбий секторини қўллаб-қувватловчи ташкилотлар рўйхатига киритилганидан норозилигини билдирди.
СХМТ ва Янгтзе Меморй Течнологиес (ЙМТС) компаниялари АҚШнинг "қора рўйхати"га киритилган бўлиб, Пентагон уларни Хитой ҳарбий секторига алоқадор тузилмалар сифатида таснифлаган. Ушбу чекловларга кўра, АҚШ компанияларининг уларга технологиялар бериши ва улар билан маҳсулотларнинг техник тавсифини муҳокама қилиши тақиқланади.
Колумбия округи судига берилган даъвода айтилишича, Пентагоннинг қарори "ўзбошимчалик" бўлиб, ҳеч қандай асосга эга эмас ва компаниянинг тегишли ҳуқуқларини бузади. СХМТ ўзининг ДРАМ чиплари фақат фуқаролик ва тижорат фойдаланувчилари учун: смартфонлар ва компютерлардан тортиб сунъий интеллект учун мўлжалланганлигини таъкидлади.
"Ҳарбий компания" мақоми унинг обрўси ва тижорий фаолиятига жиддий зарар етказиши қайд этилган.