Хитой 2030-йилгаçа космосга қурол жойлаşтириşи мумкин - АҚŞ разведкаси
АҚŞ ҳарбий разведкаси Хитой космосда йöналтирилган энергияга асосланган қурол тизимларини жойлаşтириşи мумкинлигини билдирди. Ҳисоботда Россиянинг сунъий йöлдоşларга қарşи қуроллар яратиş имкониятларига ҳам эътибор қаратилган. Бу баёнотлар Ваşингтон öзининг орбитадаги ҳарбий салоҳиятини оşираётгани ва «Олтин гумбаз» ракетага қарşи мудофаа таşаббусини илгари сураётгани фонида янгради.
Хитой 2030-йилгача космосга қурол жойлаштириши мумкин - АҚШ разведкаси
АҚШ Мудофаа вазирлигининг Разведка бошқармаси - ДИА «Космосдаги хавфсизлик муаммолари» (Чалленгес то Сесуритй ин Спасе) номли ҳисоботида Хитой ва Россиянинг космик соҳадаги ҳарбий имкониятларига оид баҳоларини эълон қилди.
Ҳужжатда айтилишича, Хитой аллақачон Ерда жойлашган бир нечта лазер мажмуасига эга. Америка разведкаси баҳосига кўра, улар Ерга яқин паст орбитадаги сунъий йўлдошлар ишига халақит бериши, уларнинг самарадорлигини пасайтириши ёки уларни шикастлаши мумкин.
Ҳисоботда Пекин 2020-йилларнинг охирига қадар йўналтирилган энергия тизимларини космосда ҳам жойлаштириши мумкинлиги тахмин қилинган. Шунингдек, Хитой орбитадаги сунъий йўлдошларга таҳдид сола оладиган янада кучли ер усти мажмуаларини яратиши мумкинлиги айтилган.
Йўналтирилган энергия қуроллари нишонга таъсир кўрсатиш ва уни шикастлаш учун жамланган электромагнит нурланишдан, жумладан, лазер нурлари ва юқори қувватли микротўлқинлардан фойдаланади. Бундай тизимлар сунъий йўлдош электроникаси ишини бузиши ёки оптик датчикларни ишдан чиқариши мумкин.
АҚШ разведкаси Россиянинг сунъий йўлдошларга қарши кинетик қуроллар соҳасидаги эҳтимолий ишланмаларига ҳам эътибор қаратган. Ҳисоботда тилга олинган тизимлар орасида «Буревестник» ҳам бор.
Ҳужжатда у махсус ўзгартирилган МиГ-31 самолётидан учириладиган, орбитадаги нишонларни уриш учун ишлаб чиқилаётган сунъий йўлдошга қарши восита сифатида тавсифланган.
Бундан ташқари, ҳисоботда Вашингтоннинг Москва ядро қуролини жойлаштиришга мўлжалланган сунъий йўлдош ишлаб чиқаётгани ҳақидаги баҳоси такрорланган. Америка разведкаси «Космос-2553» сунъий йўлдошини ушбу эҳтимолий дастур билан боғлайди.
Россия эса «Космос-2553» радиация таъсири шароитида электрон тизимларни синовдан ўтказиш учун мўлжалланганини билдирган.
Бу баёнотлар АҚШнинг ўзи ҳам космосдаги ҳарбий имкониятлари ҳақида очиқроқ гапира бошлаган бир пайтда янграмоқда. АҚШ ҳарбий-ҳаво кучлари вазири Трой Минк мамлакат аллақачон орбитага жойлаштирилган космик маконни назорат қилиш воситаларига эга эканини маълум қилган.
Унинг сўзларига кўра, ушбу воситалар Америка қуролли кучларини душманона ҳаракатлардан ҳимоя қилишга қодир. Бироқ ҳарбийлар уларнинг аниқ имкониятлари, нечта восита жойлаштирилгани ва улар қачон орбитага чиқарилганини ошкор қилмаган.