УЗСАРД хайрия ташаббуси доирасида кўмакка муҳтож оилалар фарзандларини қўллаб-қувватлади
Янги ўқув йили арафасида ҳамда Ўзбекистон Республикаси мустақиллигининг 35 йиллиги муносабати билан УЗСАРД тўлов тизими ВАҚФ жамоат хайрия фондининг кўмакка муҳтож оилалар фарзандларига ёрдам беришга қаратилган ижтимоий ташаббусини қўллаб-қувватлади.
УЗСАРД хайрия аксияси доирасида эҳтиёжманд оилаларнинг фарзандларига ёрдам кўрсатди.
Ушбу ташаббус орқали Ўзбекистоннинг турли ҳудудларидан, жумладан, Тошкент шаҳридан жами 490 нафар мактаб ўқувчиси мактаб формаси, поябзал ва ўқув қуроллари тўпламлари билан таъминланди. Бу ёрдам янги ўқув йилига тайёргарлик даврида болалар ва уларнинг оилаларини қўллаб-қувватлаш мақсадида мамлакатнинг бир қатор ҳудудларида амалга оширилди.
Бундан ташқари, УЗСАРД мактаб ўқувчиларига совға тўпламларига киритилган ўз брендига эга рюкзакларни ҳам тақдим этди.
«Янги ўқув йилининг бошланиши ҳар бир мактаб ўқувчиси учун муҳим босқичдир. Биз учун қўшимча кўмакка муҳтож болаларнинг янги ўқув йилини ишонч билан бошлашига ёрдам берадиган ташаббусларни қўллаб-қувватлаш алоҳида аҳамиятга эга. Ўзбекистон мустақиллигининг 35 йиллиги нишонланаётган йилда биз мамлакатимиз келажагига ўз ҳиссамизни қўшиш ва ёш авлодни қўллаб-қувватлашни истаймиз.
УЗСАРД учун бундай лойиҳаларда иштирок этиш – оилаларни қўллаб-қувватлаш ва болаларнинг янги ўқув йилини зарур мактаб анжомлари ҳамда кўтаринки кайфият билан қарши олишига ёрдам бериш имкониятидир.
Ижтимоий ташаббуслар УЗСАРД фаолиятининг муҳим қисми бўлиб, компаниянинг жамиятни қўллаб-қувватлашга қаратилган лойиҳаларда иштирок этишга бўлган интилишини акс эттиради.
Барча мактаб ўқувчиларига муваффақиятли ўқув йили, янги билимлар, ёрқин кашфиётлар ва улкан ютуқлар тилаймиз!»