УС Опен. Ўзбекистоннинг биринчи рақамли теннисчиси кейинги босқичга йўл олди
УС Опен: Ўзбекистоннинг биринчи рақамли теннисчиси кейинги босқичга чиқди
Ню-Ёркда йилнинг сўнгги "Катта дубулға" турнири – УС Опен старт олди. Ўзбекистоннинг биринчи рақамли теннисчиси Мария Тимофеева (жаҳон рейтингида 86-ўрин) биринчи босқичда словениялик Тамара Зиданшекка (жаҳон рейтингида 146-ўрин) қарши кортга чиқди.
1 соат 9 дақиқа давом этган ўйинда Тимофеева словениялик рақибасини 6/2, 7/5 ҳисобида мағлуб этди. Эйслар бўйича ўзбекистонлик спортчи кичик устунликка эришди (2 га 1). Зиданшек 3 марта қўшхатога йўл қўйди.
Мария Тимофееванинг 1/32 финалдаги рақиби 1-сентябр куни испаниялик Кейтлин Кеведо (рейтингдаги о'рни 107) ва белгиялик Элис Мертенс (20) ўртасидаги учрашувда аниқланади.
Маълумот учун, йилнинг сўнгги "Катта дубулға" турнирининг асосий даврасида иштирок этаётган яна бир ўзбекистонлик спортчи Камилла Раҳимова (жаҳон рейтингида 92-ўрин) биринчи босқичда жаҳон рейтингида 29-ўринни эгаллаб турган чехиялик Барбара Крейчиковани кутилмаганда мағлуб этди.
Тенг курашлар остида кечган биринчи сет 7:6 ҳисобида Раҳимованинг ғалабаси билан якунланди. У иккинчи сетни тўлиқ назоратга олиб, 6:2 ҳисобида устун келди ва ўйинни ўз фойдасига ҳал қилди.
АҚШ очиқ чемпионати мавсумдаги тўртинчи "Катта дубулға" турниридир. Мусобақа қаттиқ қопламали кортларда ўтказилмоқда ва 13-сентябр куни якунланади. Турнирнинг умумий мукофот жамғармаси 108 миллион долларни ташкил этади.
Аёллар ўртасидаги яккалик баҳсларининг амалдаги ғолиби беларуслик Арина Сабаленка ҳисобланади.