ВТА рейтингида Ўзбекистоннинг биринчи рақамли теннисчиси ўзгарди

ВТА рейтингида Ўзбекистоннинг биринчи рақамли теннисчиси алмашди. Халқаро аёл теннисчилар ассоциацияси (ВТА) томонидан эълон қилинган янги ҳафталик рейтингда, АҚШ очиқ чемпионати бошланиши арафасида, Ўзбекистоннинг етакчи теннисчиси ўзгарди. Узоқ вақт давомида биринчи рақамли теннисчи бўлиб келган Камилла Раҳимова ўз ўрнини Мария Тимофеевага бўшатиб берди.

Мария Тимофеева ўтган ҳафтадаги позициясига нисбатан олти поғонага кўтарилиб, 86-ўринни эгаллади. Аксинча, Раҳимова 4 поғонага пастлаб, 92-ўринга тушиб қолди. Ўзбекистоннинг учинчи рақамли аёл теннисчиси Полина Кудерметова ҳозирда дунёнинг 97-ракеткаси ҳисобланади.

Бошқа ўзбекистонлик теннисчилар орасида Лайма Владсон 5, Севил Юлдашева 2, Милана Масленкова 8 ва Влада Якшибарова 5 поғонага пастлади. Даря Шубина эса ўтган ҳафтадаги ўрнини сақлаб қолди.

Дунё теннисчиларининг Топ-10 талигида ҳеч қандай ўзгариш кузатилмади. Арина Сабаленка дунёнинг биринчи ракеткаси бўлиб қолмоқда. Бироқ, АҚШ очиқ чемпионати якунига кўра, пешқадам ўзгариши мумкин. Иккинчи ўринда бораётган қозоғистонлик Елена Рибакина Сабаленкадан 434 очкога ортда қолмоқда.

**ВТА рейтинги. 30-август ҳолатига кўра:**

(1) Арина Соболенко (Беларус) — 8575 очко

(2) Елена Рибакина (Қозоғистон) — 8141

(3) Жессика Пегула (АҚШ) — 7265

(4) Коко Гофф (АҚШ) — 6704

(5) Мирра Андреева (Россия) — 5443

(6) Линда Носкова (Чехия) — 5028

(7) Каролина Мучова (Чехия) — 4983

(8) Ига Швёнтек (Полша) — 4809

(9) Элина Свитолина (Украина) — 4689

(10) Аманда Анисимова (АҚШ) — 4533.

**Ўзбекистонлик теннисчиларнинг ВТА рейтингидаги ўрни:**

86 (92). Мария Тимофеева — 890

92 (88). Камилла Раҳимова — 852

97 (96). Полина Кудерметова — 783

582 (577). Лайма Владсон — 84

965 (963). Севил Юлдашева — 27

1157 (1149). Милана Масленкова — 13

1417 (1412). Влада Якшибарова — 6

1526 (1526). Даря Шубина — 3

Маълумот учун, йилнинг сўнгги “Катта дубулға” турнири – АҚШ очиқ чемпионатининг асосий даврасида иштирок этаётган Камилла Раҳимова (дунёнинг 92-ракеткаси) 1-босқичда жаҳон рейтингида 29-ўринни эгаллаб турган чехиялик Барбора Крейчиковани кутилмаганда мағлуб этди. Тенг курашлар остида кечган 1-сет 7:6 ҳисобида Раҳимованинг ғалабаси билан якунланди. У 2-сетни тўлиқ назоратга олиб, 6:2 ҳисобида устун келди ва баҳсни ўз фойдасига ҳал қилди.

Шунингдек, бугун яна бир ўзбекистонлик теннисчи Мария Тимофеева (86) кортга чиқади. Унга словениялик Тамара Зиданшекка (149) рақиблик қилади. Баҳс Тошкент вақти билан 22:00 да бошланади.