Украинада Старлинкъни ким çеклаган? Пентагон боş инспектори текşирув öтказиşни рад этди
Пентагон боş инспектори Платт Моринг Украинада Старлинк ва Старшиелд сунъий йöлдоş алоқаси иşидаги узилиşлар юзасидан текşирув öтказиş ҳақидаги сенаторлар сöровини қабул қилмади. АП маълумотига кöра, унинг идораси бу масалада АҚŞ Ҳарбий-ҳаво куçларига мурожаат қилиşни тавсия этган.
Украинада Старлинкъни ким чеклади? Пентагоннинг бош инспектори текширув ўтказишни рад этди
ДВ агентлиги хабарига таяниб ёзишича, сўровни тўрт нафар республикачи ва беш нафар демократ сенатор юборган. Улар алоқа тизимларига киритилган чекловларда АҚШ расмийларининг иштироки бор-йўқлигини аниқлашни сўраган.
Октабр ойида Украина расмийлари Старлинк ва унинг ҳарбий йўналишдаги Старшиелд тизимидаги чекловлар Россиянинг юқори тезликда учувчи дронларини тутиб қолиш имкониятига таъсир қилганини билдирган эди.
Мурожаатда Пентагон ёки АҚШ ҳукуматининг бошқа вакиллари Украинага дахлдор разведка маълумотларини алмашиш, огоҳлантириш имкониятлари ҳамда Старлинк ва Старшиелд хизматларини ўзгартириш бўйича кўрсатма берган-бермаганини текшириш сўралган.
Сенаторлар бундай ўзгаришлар расмийлар билан келишилганми, улар томонидан маъқулланганми ёки улар бу ҳақда батафсил маълумотга эга бўлганми, деган саволларга ҳам жавоб кутган.
АП билан исми ошкор этилмасдан суҳбатлашган Конгресс ходими бош инспекторнинг жавобини текширув ўтказишдан бош тортиш сифатида баҳолаган. Агентликка кўра, бу ҳолат қонун чиқарувчиларда Пентагон ва унинг мустақил назорат идораси Илон Маскнинг мудофаа алоқаларига таъсирига қарши чиқишни истамаяптими, деган хавотир уйғотган.
24-октабр куни Илон Маск СпасеХ Украинада Старлинк ишига чеклов киритганини тасдиқлаган. У буни фойдаланиш шартлари бузилгани билан изоҳлаб, Украина Қуролли кучларини тизимдан ҳужумкор дрон зарбаларида фойдаланишда айблаган.
Маск, шунингдек, Старшиелд бошқа тизим экани ва АҚШ ҳукумати назоратида туришини таъкидлаган. Унинг сўзларига кўра, ушбу тизимдан қандай фойдаланишни Вашингтон ҳал қилади.
Ўша куни Украина мудофаа вазири Евгений Хмара Старлинк ва Старшиелд алоқаси соатига 400 километрдан юқори тезликда ҳаракатланиш шароитида ҳам қайта ишлай бошлаганини маълум қилган.
Хабарга кўра, муаммолар 14-октабрга ўтар кечаси Старшиелд терминаллари юқори тезликда ҳаракатланаётганда алоқани йўқота бошлаши билан кузатилган. Эртаси куни тизим иши тиклангани билдирилган, бироқ кўп ўтмай яна узилишлар қайд этилган.