Трамп Старлинк тикланганини айтди, Зеленский эса бир неча соат аввал муаммо сақланаётганини билдирганди
АҚШ президенти Доналд Трамп СпасеХ Украинада Старлинк сунъий йўлдош алоқасидан фойдаланишга қўйилган чекловларни олиб ташлаганини маълум қилди. Бироқ бу баёнотдан бир неча соат аввал Володимир Зеленский тизим ишидаги чекловлар ҳали бартараф этилмаганини айтган эди.
Трамп Старлинк қайта ишга тушганини айтди, Зеленский эса бундан бир неча соат олдин муаммо ҳали сақланаётганини маълум қилганди
ДВ хабарига кўра, Трамп 22-октабр куни журналистлар билан суҳбатда Старлинк фаолияти тикланганини айтган. Бироқ у бу масалани СпасеХ раҳбари Илон Маск билан шахсан муҳокама қилган-қилмаганини ошкор этмаган.
Журналистлар Тҳе Вашингтон Пост хабарига таянган ҳолда, Трампдан Маск билан бўлган суҳбати ҳақида сўрашган.
«Бунга изоҳ бермоқчи эмасман. Мен қўнғироқ қилдимми ёки бошқа бировми — фарқи йўқ. Менимча, муҳими, у яна ҳаммасини тиклади», — деган АҚШ президенти.
Зеленский эса ўша куни, Трампнинг баёнотидан бир неча соат олдин, октабр ўрталарида жорий этилган чекловлардан кейин Старлинк иши ҳали тўлиқ тикланмаганини билдирган.
Украина Мудофаа вазирлиги маълумотига кўра, муаммолар 14-октабрга ўтар кечаси кузатила бошланган. Гап интернетда маълумот узатиш тезлигидан кўра, юқори тезликда ҳаракатланаётган қурилмаларда сунъий йўлдош алоқасининг ишламай қолиши ҳақида бормоқда.
Бу Украина қуролли кучларининг учувчисиз аппаратлардан фойдаланишида қийинчилик туғдирган. Украиналик ҳарбийлар Старлинк ва ҳарбий алоқа учун мўлжалланган Старшиелд имкониятларидан коммуникация ҳамда дронларни бошқаришда фойдаланади.
Тҳе Телеграпҳ ва Тҳе Валл Стреет Жоурнал нашрлари чекловларни жорий этиш ташаббуси Илон Маскдан чиққанини хабар қилган эди. Уларнинг манбаларига кўра, тадбиркор бу масалани Пентагон билан муҳокама қилиб, унинг қўллаб-қувватлашига эришган. Оқ уй эса Украинада сунъий йўлдош тармоғи ишини чеклаш бўйича кўрсатма бермаганини билдирган.
Октабр ўрталарида Киев АҚШ билан разведка маълумотларини алмашишда ҳам муаммоларга дуч келганини айтган. Зеленскийнинг сўзларига кўра, Украина бир неча кеча давомида Россия баллистик ракеталарни учиргани ҳақида ҳамкорларидан огоҳлантириш олмаган.
Трамп маъмурияти вакиллари бу ҳолатни об-ҳаво шароити ва дастурий таъминотдаги муаммолар билан изоҳлаган.
Зеленский 18-октабрда Блоомберғда эълон қилинган интервюсида АҚШ маъмуриятининг сўнгги қадамлари Украинани таслим бўлишга ундашга ўхшаётганини айтган. Шу билан бирга, у буни америкалик ҳамкорларнинг аниқ мақсади деб тасдиқламаган.