Украина ўт очишни тўхтатишнинг бешта форматига тайёр - ТИВ
Украина ўт очишни тўхтатиш бўйича бешта форматни муҳокама қилишга тайёр, улардан бири Қора денгизда кема қатнови хавфсизлиги, яна бири озиқ-овқат хавфсизлигига тааллуқли.
Украина ўт очишни тўхтатишнинг бешта форматига тайёр - ТИВ
Украина ўт очишни тўхтатиш бўйича беш хил форматни кўриб чиқишга тайёр.
Унинг таъкидлашича, аввало, гап Украина 2025-йил мартидаёқ рози бўлган тўлиқ ва сўзсиз ўт очишни тўхтатиш режими ҳақида кетмоқда.
«Украинанинг ушбу розилиги ўз кучида қолмоқда ва агар Россия томонидан ҳам шундай жавоб тариқасидаги розилик бўлганида, у кучга кирарди», – деди Тихий.
Унинг сўзларига кўра, бундан ташқари, Украина дипломатлари иштирокида Туркия ва Миср томонидан ишлаб чиқилаётган ҳамда Қора денгизга дахлдор бўлган 2- ва 3-форматлар ҳам мавжуд.
«Тангони биргаликда рақсга тушишади, шу боис ушбу шартларга Россия томонининг ҳам розилиги зарур. Таклифлар, бизнингча, ўзаро манфаатли ва ҳақиқатга яқиндир», – деди Тихий.
Унинг айтишича, иккинчи формат Қора денгиз бўйича бўлиб, бунда кема қатнови хавфсизлиги назарда тутилади. Учинчи формат эса Қора денгиздаги озиқ-овқат хавфсизлигига тааллуқли. Унинг таъкидлашича, ушбу таклифга Ҳиндистон ҳам фаол жалб этилган.