Туркияда 15 ёшгача бўлган болаларга ижтимоий тармоқлардан фойдаланиш тақиқланади
2026 йил 1 ноябрдан Туркияда болалар ва ўсмирлар томонидан ижтимоий тармоқлардан фойдаланишга янги чекловлар кучга кириши керак. Тегишли ҳужжат Resmi Gazete расмий ахборотномасида эълон қилинди. Нашр қилинган маълумотларга кўра: Фойдаланувчиларнинг ёши e-Devlet давлат портали орқали текширилади. мавжуд аккаунтлар учун ёшни тасдиқлаш муддати 2027 йил 31 мартгача деб кўрсатилган.
Туркияда 15 ёшгача бўлган болаларга ижтимоий тармоқлардан фойдаланиш тақиқланади
2026 йил 1 ноябрдан бошлаб Туркияда болалар ва ўсмирлар томонидан ижтимоий тармоқлардан фойдаланишга янги чекловлар амал қила бошлаши керак. Тегишли ҳужжат Resmi Gazete расмий ахборотномасида эълон қилинди.
Эълон қилинган маълумотларга кўра:
- Ижтимоий тармоқлар 15 ёшдан кичик болаларга ўз хизматларини кўрсата олмайди.
- 15 ёшдан 18 ёшгача бўлган ўсмирлар учун профилларни автоматик равишда ёпиқ қилиб қўйиш, тўғридан-тўғри эфирларни, таргетинг қилинган рекламани ва алгоритмик тавсияларни чеклаш режалаштирилмоқда.
- Платформаларга контактлар ва телефон китобчаларига, шунингдек, бошқа сервислардаги дўстлар рўйхатига киришга сўров юбориш тақиқланади.
- Ота-оналар боланинг геолокациясини, харажатларини, иловаларда ўтказган вақтини ва аккаунт созламаларини назорат қилишлари мумкин бўлади.
Фойдаланувчиларнинг ёши e-Devlet давлат портали орқали текширилади. мавжуд аккаунтлар учун ёшни тасдиқлаш муддати 2027 йил 31 мартгача деб кўрсатилган.