Интернетга фақат паспорт орқали кириш: ИИда ижтимоий тармоқ фойдаланувчиларининг ёшини текшириш тайёрланмоқда
Еврокомиссия ижтимоий тармоқлар фойдаланувчиларининг ёшини текшириш бўйича умумевропа қоидаларини жорий этишни таклиф қилди. Ушбу ташаббус Еврокомиссия президенти Урсула фон дер Ляйен томонидан 17 сентябрь куни тақдим этилган EU KIDS Act лойиҳасидан ўрин олди. Таклифга кўра, ижтимоий тармоқлар ва видеоплатформалар янги аккаунтлар яратилаётганда фойдаланувчиларнинг ёшини текшириши керак бўлади. Бунинг учун сертификатланган воситалардан, жумладан, Еврокомиссия томонидан ишлаб чиқилган ёшни тасдиқлаш иловасидан фойдаланиш мумкин бўлади. […]
Интернетга фақат паспорт орқали кириш: ИИда ижтимоий тармоқ фойдаланувчиларининг ёшини текшириш тайёрланмоқда
Еврокомиссия бутун ИИ учун ижтимоий тармоқ фойдаланувчиларининг ёшини текширишнинг ягона қоидаларини жорий этишни таклиф қилди. Ушбу ташаббус 17 сентябрь куни Еврокомиссия раиси Урсула фон дер Ляйен томонидан тақдим этилган EU KIDS Act лойиҳасига киритилган.
Таклифга кўра, янги аккаунтлар яратилаётганда ижтимоий тармоқлар ва видеоплатформалар фойдаланувчиларнинг ёшини текшириши керак бўлади. Бунинг учун сертификатланган воситалардан, жумладан, Еврокомиссия томонидан ишлаб чиқилган ёшни тасдиқлаш иловасидан фойдаланишга рухсат берилади. Ушбу илова платформага шахсни тасдиқловчи ҳужжатни, аниқ ёшни ёки бошқа шахсий маълумотларни узатмасдан туриб, ёш чегарасига мувофиқликни тасдиқлаш имконини беради.
Лойиҳа болаларнинг ижтимоий тармоқлардан фойдаланишини босқичма-босқич чеклашни назарда тутади. 13 ёшдан кичик фойдаланувчилар бундай платформалардан мустақил фойдалана олмайдилар, 13 ёшдан 15 ёшгача бўлган болалар учун эса ота-оналар назорати остидаги, функциялари чекланган ва кунига бир соатгача фойдаланиш вақти белгиланган аккаунтлардан фойдаланиш таклиф этилмоқда. 15 ёшдан бошлаб ўсмирлар мустақил равишда аккаунт очишлари мумкин бўлади.
18 ёшдан кичик фойдаланувчилар учун платформалар «сукут бўйича хавфсизлик» тамойили асосида кучайтирилган ҳимояни таъминлаши керак бўлади. Хусусан, хизматлардан ҳаддан ташқари кўп фойдаланишга ёрдам берувчи функцияларни, жумладан, чексиз варақлаш (бесконечная прокрутка) ва айрим билдиришномаларни чеклаш, шунингдек, нотаниш фойдаланувчилар томонидан исталмаган мулоқотларни тақиқлаш таклиф этилмоқда.
Еврокомиссия таклифи ҳали ИИга аъзо давлатлар ва Европа парламенти билан келишилиши керак, шу сабабли унинг қоидалари якуний қонунчилик қабул қилингунга қадар ўзгариши мумкин.