Трамп Ҳўрмуз бўғозини ўз шарафига номлашни таклиф қилди
АҚШ президенти Доналд Трамп Ҳўрмуз бўғозини «Трамп бўғози» деб қайта номлашни таклиф қилди, чунки унинг сўзларига кўра, бу сув йўли Америка қўшинлари назорати остидадир.
Трамп Ҳўрмуз бўғозига ўз номини беришни таклиф қилди
Доналд Трамп Ҳўрмуз бўғозини "Трамп бўғози" деб аташни таклиф қилди. Унинг сўзларига кўра, бўғоз энди АҚШ назорати остида бўлгани сабабли, бу ном ўринли бўлади. "Худди Американинг ўзи каби, у ҳар қачонгидан ҳам 'қайноқроқ' бўлади!" деб ёзди у Трутҳ Сосиал ижтимоий тармоғида.
Трамп 14-август куни Эрон устидан ғалаба қозонилганидан сўнг, Ҳўрмуз бўғозини Қўшма Штатлар ҳудуди деб эълон қилиш ниятини билдирган эди. Кейинчалик у ижтимоий тармоқларда бўғознинг АҚШ таркибига кирганини кўрсатувчи харитани бир неча бор жойлаштирди.
Иккинчи президентлик даврида Трамп учта йирик географик обьект номини ўзгартирди, аммо бу ўзгаришлар фақат АҚШ ҳудудида расмий фойдаланиш учун амал қилади.
2025-йил 20-январда Мексика қўлтиғи "Америка қўлтиғи" (Гулф оф Америса) деб, Аляскадаги Денали тоғи эса яна "Мак-Кинли тоғи" деб номланди.
2026-йил 27-августда Канада билан савдо зиддияти авж олган пайтда Онтарио кўли "Америка кўли" (Лаке Америса) деб қайта номланди.
Бу янги номлар Американинг ГНИС федерал базасига киритилган ва АҚШ идоралари томонидан қўлланилади. Бироқ, Канада, Мексика ва дунёнинг аксарият мамлакатлари бу номларни тан олмайди. Гоогле ва Аппле хариталари янги номларни асосан америкалик фойдаланувчиларга кўрсатмоқда.
АҚШ президенти ўз давлат тизимидаги номларни ўзгартириш ҳуқуқига эга, аммо бутун дунёни улардан фойдаланишга мажбурлай олмайди.