«Трамп билиши керакки, биз ҳеч қачон бош эгмаймиз» – Эрон президенти БМТда чиқиш қилди
БМТ бош ассамблеясида нутқ сўзлаган Масъуд Пезишкиён Трампнинг таҳдидларига жавобан - «санксиялар ва ортиб бораётган босим олдида Эрон халқининг қаршилиги фақат кучайиб боради», деди. Шунингдек, Эрон етакчиси улар ядро қуролини яратишга интилмаслигини, аммо тинч мақсадлардаги ядровий дастурларидан воз воз кечмаслиги таъкидлади.
«Трамп билиши керакки, биз ҳеч қачон бош эгмаймиз» – Эрон президенти БМТда нутқ сўзлади
23-сентабр куни Эрон президенти Масъуд Пезишкиён АҚШда, БМТ Бош Ассамблеясининг олий даражадаги музокараларида чиқиш қилди.
«АҚШ президенти бизни террорчилар деб атади. Аслида биз терроризм қурбони бўлганмиз», деди Эрон вакили БМТга мурожаат қилиб. Шундан кейин у 28-феврал куни АҚШ ва Исроил ҳужум бошлаган пайтда — ўз қароргоҳига берилган зарба оқибатида ҳалок бўлган мамлакатнинг марҳум олий раҳбари Оятуллоҳ Али Хоминаийнинг суратини кўрсатди.
Пезишкиён Минобдаги бошланғич мактаб ва Ламерддаги спорт мажмуасига қилинган ракета зарбаларида ҳалок бўлган 100 дан болаларнинг айримлари суратларини ҳам тақдим этди. АҚШ Ламердга зарба берганини инкор этади ва Минобда нима юз берганини ҳануз ўрганаётганини айтиб келади.
«Бизнинг бегуноҳ халқимиз мамлакатимизга қарши уюштирилган қўрқоқона ҳужумлар ва тажовузларнинг нишонига айланди. Ва биз ўзимизни бор кучимиз билан ҳимоя қилдик», — деди Пезишкиён.
Сешанба куни Бош Ассамблеядаги нутқида Трамп унинг олдида «катта қарор» турганини таъкидлади — ё эронликларга ўз мамлакатини қайта қуришга имкон берадиган келишув бўйича музокара олиб бориш, ёки «Ислом Республикасини йўқ қилиш ва буни тез амалга ошириш». Пезишкиён бу таҳдидни «зўравонлик менталитетининг белгиси» деб атади.
«[Трамп] билиши керакки, санксиялар, ортиб бораётган босим ва зўравонликлар қаршисида Эрон халқининг қаршилиги фақат кучайиб боради. Биз ҳеч қачон бош эгмаймиз ёки тиз чўкмаймиз», — деди у.