«Тошшаҳартрансхизмат» 82-сонли автобус билан боғлиқ вазиятга изоҳ берди
82-сонли автобус ҳайдовчиси транспорт воситаларининг тўпланиб қолгани сабабли Mega Planet яқинидаги белгиланган жойда тўхтамаган. Текширувдан сўнг у билан суҳбат ўтказилди.
Toshshahartransxizmat 82-сонли автобус билан боғлиқ вазиятга изоҳ берди
«Toshshahartransxizmat» АЖ Тошкентнинг Юнусобод туманидаги Mega Planet савдо-кўнгилочар мажмуаси яқинидаги бекатда 25 октябрь куни 82-сонли автобусга чиқа олмаган йўловчиларнинг мурожаатига муносабат билдирди.
Текширув шуни кўрсатдики ҳайдовчи автобуслар тирбандлиги сабабли белгиланган жойдан ташқарида тўхтаган. Бу ҳақда компания ахборот хизмати хабар бермоқда.
Гап 18-сонли автобус паркига бириктирилган «Юнусобод 17-мавзеси — Ибн Сино 1-мавзеси» йўналиши бўйича қатнайдиган YUTONG автобуси ҳақида бормоқда.
29 октябрь куни «Юнусабадцы_24» Telegram-каналида эълон қилинган мурожаат текширувга сабаб бўлган. Текширув якунларига кўра, бекатда автобуслар сони кўплиги сабабли ҳайдовчи транспорт воситасини назарда тутилган жойдан бир оз нарироқда тўхтатгани аниқланди. Шу сабабли кутаётган йўловчиларнинг бир қисми салонга кира олмаган.
Ҳайдовчи билан тушунтириш ишлари олиб борилди. Унга хизмат кўрсатиш стандартларига риоя қилиш, хавфсизлик талабларига риоя қилган ҳолда белгиланган жойларда тўхташ ҳамда йўловчиларга чиқиш ва тушиш учун шароит яратиш зарурлиги эслатилди.
Toshshahartransxizmat ҳайдовчилар томонидан йўловчиларга хизмат кўрсатиш қоидаларига риоя этилишини назорат қилаётганини ва бу каби ҳолатларнинг олдини олиш бўйича чоралар кўраётганини маълум қилди.