Тошкентнинг иккита кўчасида автотранспорт ҳаракати вақтинча чекланади — харита

Тошкентнинг иккита кўчасида автомобиллар ҳаракати вақтинчалик чекланади — харита

20 сентябрь куни Тошкентдаги иккита кўчанинг айрим қисмларида транспорт ҳаракати вақтинчалик чекланади.

Чекловлар пойтахтнинг туристик салоҳиятини халқаро миқёсда тарғиб қилишга қаратилган йирик кинолойиҳа доирасидаги суратга олиш ишлари муносабати билан жорий этилади.

Ҳаракат соат 10:00 дан 16:00 гача қуйидаги ҳудудларда чекланади: Зарафшон кўчаси — Hyatt Regency Tashkent меҳмонхонасининг назорат-ўтиш жойидан Мустақиллик шоҳкўчасигача; Истиқлол кўчаси — Амир Темур шоҳкўчасидан Буюк Турон кўчасигача.

Ҳайдовчиларга йўналишларини олдиндан режалаштириш ва муқобил йўллардан фойдаланиш тавсия этилади.