Тошкентдаги янги қурилаётган бинода ёнғин содир бўлди
Миробод туманидаги қурилиш обьектининг том қисми ёнди. Тошкент шаҳар Фавқулодда вазиятлар бошқармаси ҳодиса оқибатида тан жароҳати олган ёки ҳалок бўлганлар йўқлигини маълум қилди.
Тошкентда янги қурилаётган бинода ёнғин юз берди
Миробод тумани Авлиё ота кўчасида жойлашган янги қурилаётган бинолардан бирида ёнғин чиққан. Бу ҳақда Тошкент шаҳар Фавқулодда вазиятлар бошқармаси маълум қилди.
Билдирилишича, соат 23:31 да ёнғин юз бераётгани ҳақида хабар келиб тушган.
Бинонинг опалубка (қолип) қисмида содир бўлган ёнғинга қутқарув экипажлари зудлик билан етиб бориб, ёнғин соат 01:05 да қуршаб олинган ва соат 01:44 да тўлиқ ўчирилган.
Ҳодиса оқибатида фуқароларнинг тан жароҳати олгани ёки жабрлангани ҳақида хабар келиб тушмаган. Айни пайтда ёнғиннинг келиб чиқиш сабаблари ҳамда моддий зарар миқдори аниқланмоқда.