Тошкентда яна тўртта кўчада автобуслар учун алоҳида йўлак қурилади
Лойиҳаларни тайёрлаш ва дастлабки харажатлар учун 6,5 миллиард сўм ажратиш белгиланди
Тошкентда яна тўртта кўчада автобуслар учун алоҳида йўлак барпо этилади
Тошкент шаҳрида умумий узунлиги 17,9 километр бўлган тўртта йўналишда автобуслар учун алоҳида ажратилган йўлаклар (БРТ) ташкил қилинади. Лойиҳаларни тайёрлаш ва дастлабки харажатлар учун 6,5 миллиард сўм ажратиш белгиланди.
Тошкент шаҳар ҳокимининг 2026-йил 29-октябрдаги тегишли қарорига биноан, пойтахтда жамоат транспорти устуворлигини ошириш, йўловчилар учун қулайлик яратиш ҳамда кўчаларда автобуслар ҳаракатини яхшилаш мақсадида бир қатор йўлларни таъмирлаш ва алоҳида автобус йўлакларини қуриш режалаштирилган.
Хусусан, қуйидаги кўчаларда БРТ йўлаклари ташкил этилади:
Қарорга кўра, қурилиш-таъмирлаш ишлари тижорат банклари кредитлари, Тошкент шаҳар ҳокимлигининг Йўл ва транспорт инфратузилмасини ривожлантириш жамғармаси ҳамда Тошкент шаҳрини ривожлантириш жамғармаси маблағлари ҳисобидан молиялаштирилади.
Шунингдек, буюртмачининг қурилиш-таъмирлаш ишлари билан боғлиқ харажатлари ва лойиҳа ҳужжатларини тайёрлаш учун Тошкент шаҳрини ривожлантириш жамғармасидан дастлабки 6,5 миллиард сўм ажратиш чоралари кўрилади. Бу маблағ барча қурилиш ишларининг якуний қиймати сифатида белгиланмаган.