Тошкентда ўсмирларни ҳарбий рўйхатга қўйиш чақирувни англатмаслиги сабаби тушунтирилди
Йигитларни Тошкентда дастлабки ҳарбий ҳисобга қўйиш уларни зудлик билан армияга чақиришни англатмайди. Бу ҳақда пойтахт ҳокимлиги матбуот хизмати чақирув участкаларига бириктиришни ташкил этиш тўғрисидаги 2026 йил 5 октябрдаги қарорга изоҳ бериб маълум қилди. «Умумий ҳарбий мажбурият ва ҳарбий хизмат тўғрисида»ги қонуннинг 18-моддасига мувофиқ, бириктириш фуқароларни ҳарбий ҳисобга қўйиш учун зарурдир. […]
Тошкентда йигитларнинг ҳарбий ҳисобга қўйилиши уларнинг армияга чақирилишини англатмаслиги тушунтирилди
Тошкентда йигитларнинг бошланғич ҳарбий ҳисобга қўйилиши уларнинг зудлик билан армияга чақирилишини англатмайди. Бу ҳақда пойтахт ҳокимлиги матбуот хизмати 2026 йил 5 октябрдаги чақирув участкаларига бириктиришни ташкил этиш тўғрисидаги қарорга изоҳ бериб маълум қилди.
«Умумий ҳарбий мажбурият ва ҳарбий хизмат тўғрисида»ги қонуннинг 18-моддасига мувофиқ, бириктириш фуқароларни ҳарбий ҳисобга қўйиш учун зарурдир. Ушбу процедура доирасида йигитлар сони аниқланади, уларнинг хизматга яроқлилиги баҳоланади, шунингдек, маълумот даражаси ва жисмоний тайёргарлиги ўрганилади.
Бириктириш умумий ўрта таълим мактаблари, ўрта махсус ва бошланғич профессионал таълим муассасаларидаги ўқишнинг охирги йилида — октябрь ва ноябрь ойларида ўтказилади.
Тадбирларни ташкил этишда туман мудофаа ишлари бўлимлари, таълим муассасалари, тиббиёт ташкилотлари ва фуқароларнинг ўзини ўзи бошқариш органлари жалб этилган. Улар ишларни мувофиқлаштиради ва қонунда назарда тутилган процедуралар ўтказилишини таъминлайди.
Ҳокимликда таъкидланишича, барча тадбирлар қонунчиликка мувофиқ ҳамда фуқароларнинг ҳуқуқларига риоя қилинган ҳолда ўтиши керак. Шаҳар ҳокимининг қарори бириктиришни ташкил этишга тааллуқли бўлиб, ҳарбий хизматга чақиришнинг янги тартибини жорий этмайди.