Тошкентда экологлар ва дендрологлар дарахтларни кенг кўламли текширувдан ўтказмоқда
Тошкентда экологлар ва дендрологлар дарахтларни кенг кўламли текширувдан ўтказмоқда
Тошкентда яшил майдонларни парвариш қилиш ҳамда кўчалар, ҳовлилар ва шаҳар боғларидаги суғориш тизимларининг созлигини сақлаш бўйича режали ишлар давом эттирилмоқда.
Ушбу фаолият доирасида соҳа мутахассислари экологлар ва дендрологлар билан биргаликда Тошкентнинг барча туманларида дарахтларни комплекс кўрикдан ўтказмоқда. Экспертлар касалланган ва қуриган ўсимликларни, шикастланган шох-шаббаларни, шунингдек, қуриган, синган ва хавф туғдирадиган осилиб турган шохларни аниқламоқда. Текширув якунларига кўра зарур чора-тадбирлар тўғрисида қарорлар қабул қилинмоқда: санитария буташ ишлари босқичма-босқич амалга оширилмоқда, тўлиқ қуриган дарахтлар бўйича эса кейинги ишлар учун расмий рухсатнома олиш мақсадида тегишли далолатномалар расмийлаштирилмоқда.
Тадбирлар марказий магистраллар бўйлаб ҳам, турар жой мавзелари ва боғ ҳудудлари ичида ҳам олиб борилмоқда. Шу муносабат билан шаҳар хизматлари ҳайдовчилардан вақтинчалик чекловларга тушуниш билан қарашларини ҳамда жараённинг хавфсизлиги ва тезкорлигини таъминлаш учун зарур ҳолларда ходимларнинг илтимосига кўра транспорт воситаларини бошқа жойга олишларини сўрайди.
Пойтахт аҳолиси, шунингдек, аниқланган қуриган дарахтлар ёки авария ҳолатидаги шохлар ҳақида Тошкент шаҳар ҳокимлиги матбуот хизматининг махсус Тelegram-боти орқали, аниқ манзилни кўрсатган ҳамда жойлашувни аниқ белгилаш учун фото ёки видеоматериалларни илова қилган ҳолда хабар беришлари мумкин.