Тошкентда дронлар келажаги ва янги технологиялар муҳокама қилинди

Тошкентда дронлар истиқболи ва янги технологиялар муҳокама қилинди

Форумда технология соҳаси вакиллари, илмий ҳамжамият аъзолари, тегишли идоралар мутахассислари ҳамда талабалар қатнашди. Тадбирнинг асосий мақсадларидан бири соҳадаги амалий тажриба алмашиш, долзарб техник масалаларни муҳокама қилиш ва ёшларнинг инновацион лойиҳаларини қўллаб-қувватлашдан иборат эди.

**Дронлар хавфсизлиги ва радиоелектрон кураш масалалари**

Форум дастуридаги иккита ялпи мажлисда маҳаллий ва хорижий мутахассислар учувчисиз тизимларга оид технологик ечимлар юзасидан маърузалар қилди.

ЭАС Сомпанй бошқаруви раиси ўринбосари ва бош муҳандиси Беҳзод Сулаймонов радиоелектрон кураш ҳамда учувчисиз учиш аппаратларига қарши курашиш (С-УАС) тизимларининг замонавий имкониятларини тақдим этди. Маърузада дронлардан келиб чиқиши мумкин бўлган таҳдидларни аниқлаш ва уларга қарши курашишда қўлланиладиган технологияларга алоҳида эътибор қаратилди.

Ҳасан Ханкелдиев дронлар ёрдамида юк ташиш йўналишларини самарали ташкил этиш масаласини кўриб чиқди. Хусусан, Тошкентдаги Корзинка тармоғи филиаллари ўртасида юк етказиб бериш йўналишларини оптималлаштириш мисолида «сайёҳ савдогар масаласи» (ЦП) ва МАТЛАБ дастуридан фойдаланиш имкониятлари ёритилди.

Минҳаж Уддин Аҳмад учувчисиз учиш аппаратлари учун радио халақитларга чидамли алоқа каналлари ва масофадан бошқариш тизимлари ҳақида маълумот берди. Бундай технологиялар алоқа барқарорлигини сақлаш ва мураккаб радиоелектрон шароитларда бошқарув самарадорлигини таъминлаш учун муҳим ҳисобланади.

Петр Хмарский эса координата маълумотларини кўп гипотезали қайта ишлаш орқали манёвр қилувчи учувчисиз аппаратларнинг ҳаракатини кузатиш ва прогноз қилиш усулларини тақдим этди. Ушбу ёндашувлар ҳаво обьектларини кузатиш тизимларини такомиллаштиришга қаратилган.