Тошкентда бир киши қуриб берилмаган зинапоя учун 3 900 доллар берди
Тошкентда қурилиш ишларини бажаришда содир этилган деб тахмин қилинаётган фирибгарлик ҳолати бўйича жиноят иши қўзғатилди. Бу ҳақда пойтахт ИИББ матбуот хизмати хабар берди. Идора маълумотларига кўра, Олмазор туманида яшовчи Зокиржон уйи ёнидаги қўлбола зинапояни алмаштиришга қарор қилган. Танишлари орқали у уста топган ва у билан конструкция ҳамда ишлар қийматини келишиб олган. Янги зинапоянинг нархи 3 900 долларни ташкил этган. Ижрочи пулни тўлиқ […]
Тошкентда бир эркак қурилмай қолган зинапоя учун 3 900 доллар тўлади
Тошкентда қурилиш ишларини бажаришдаги фирибгарлик ҳолати бўйича жиноят иши қўзғатилди. Бу ҳақда пойтахт ИИББ матбуот хизмати хабар берди.
Идора аниқлик киритишича, Олмазор туманида яшовчи Зокиржон уйи ёнидаги қўлбола зинапояни янгиламоқчи бўлган. У танишлари орқали уста топиб, у билан зинапоя конструкцияси ва иш нархини келишиб олган.
Янги зинапоя 3 900 долларга баҳоланган. Ижрочи қурилиш материалларини олдиндан сотиб олиш зарурлигини рўкач қилиб, барча пулларни олдиндан тўлашни талаб қилган.
Пулни олган уста ишга киришмаган ва қўнғироқларга жавоб бермай қўйган. Бу вақтда эса буюртмачи қурилиш яқин орада бошланишига ишониб, эски зинапояни бузиб бўлган эди.
Эркак Олмазор тумани ИИО ФМБга мурожаат қилди. Тергов бўлими томонидан 2003 йилда туғилган Музаффархон М.га нисбатан Жиноят кодексининг 168-моддаси (фирибгарлик) бўйича жиноят иши қўзғатилди.
Ҳозирда тергов ҳаракатлари олиб борилмоқда. Ҳуқуқ-тартибот идоралари содир бўлган воқеанинг барча тафсилотларини аниқлаши ва гумонланувчининг ҳаракатларига ҳуқуқий баҳо бериши керак бўлади.