Топурия УФС камаридан айрилганидан сўнг Гетжини ғирромликда айблади
Топурия УФС камаридан айрилгач, Гетжини ғирромликда айблади
Илия Топурия енгил вазн тоифасида УФС чемпионлик камари учун бўлиб ўтган жангда рақиби Жастин Гетжини қўлқоп ичига қандайдир буюм яширганликда айблади.
Бунга жавобан Жастин Гетжи ушбу пост остида қуйидаги изоҳни қолдирди: “Орадан 94 кун ўтиб топган энг яхши баҳонанг шуми? Бу ҳам худди сенинг охирги жангинг каби ўта расво. Яхшироқ ҳаракат қил, болакай”.
Эслатиб ўтамиз, жорий йилнинг 14-июн куни Гетжи ва Топурия ўртасида чемпионлик жанги бўлиб ўтган ва унда америкалик жангчи муддатидан аввал ғалаба қозонган эди. Жанг пайтида кўзидан жиддий жароҳат олган Топурия тўртинчи раунддан кейин жангни давом эттиришдан бош тортган. Шундан сўнг у шифохонага олиб кетилган ва унга кўз косаси синиши ташхиси қўйилган.
Маълумот учун, 29 ёшли Топурия учун бу ММАъдаги кетма-кет 17 та ғалабадан кейинги илк мағлубият бўлди. У 2025-йилнинг июн ойида енгил вазн тоифасида чемпионликни қўлга киритган эди (унгача камар Ислом Махачевга тегишли бўлган ва у ярим ўрта вазнга ўтгани сабабли камарни вакант қолдирган). 37 ёшли Гетжининг ҳисобида эса ҳозирда 28 та ғалаба ва 5 та мағлубият бор.