Таълим ва илм-фан вазирига ўринбосар тайинланди
Илхом Сираджев таълим ва илм-фан вазирининг комплаенс ва коррупсияга қарши ички назорат бўйича ўринбосари этиб тайинланди.
Таълим ва илм-фан вазирига ўринбосар тайинланди
Президентнинг тегишли фармони ва қарорига мувофиқ, Илхом Тохирович Сираджев Ўзбекистон Республикаси таълим ва илм-фан вазирининг комплаенс ва коррупсияга қарши ички назорат бўйича ўринбосари этиб тайинланди.
Тайинловга қадар у Президент администрацияси раҳбарининг таълимни ислоҳ қилиш бўйича ўринбосари лавозимида фаолият юритаётган эди.
Илхом Сираджев 2006-2017 йилларда Тошкент шаҳар халқ таълими бош бошқармаси ҳамда Тошкент шаҳар ўқувчилар техник ижодиёт марказида турли вазифаларда ишлаган. 2017-2023 йилларда эса Халқ таълими вазирлигида бош иқтисодчи, Молиялаштириш, бухгалтерия ҳисоби ва ҳисоботи бошқармаси бошлиғи, Молиявий таҳлил ва режалаштириш бошқармаси бошлиғи, Молия департаменти директори лавозимларида меҳнат қилган.
2025-йил сентабрда у Президент администрацияси раҳбарининг таълимни ислоҳ қилиш бўйича ўринбосари лавозимига тайинланган.