Сурхондарё тоғларида куз қор билан бошланди. Видео
Сурхондарё тоғларида куз қор билан бошланди. Видео
Сурхондарё тоғларида илк кузги қор ёғди. Қор ёғиши «Юқори Тўпаланг» миллий табиат боғи ҳудудида, Тамшушнинг баланд тоғли қисмида қайд этилди.
Қор 4 сентябрь куни боғнинг баланд тоғли ҳудудида жойлашган Тамшуш участкасида ёғди. Вилоят экология ва иқлим ўзгариши бошқармаси хабарига кўра, бунга тоғларда ҳаво ҳароратининг сезиларли даражада пасайиб кетгани сабаб бўлган.
Мутахассисларнинг таъкидлашича, тоғли ҳудудларда об-ҳаво ҳатто қисқа масофада ҳам сезиларли даражада фарқ қилиши мумкин. Баландлик ортиши билан ёғингарчилик хусусияти ҳам ўзгаради, шунинг учун пастроқда жойлашган ҳудудларда ҳали нисбатан илиқ об-ҳаво сақланиб турган бир пайтда, бу ерда қор ёғиши мумкин.
Шунга ўхшаш об-ҳаво 4 сентябрь куни Қашқадарё вилоятида ҳам кузатилди. Ҳаво ҳароратининг кескин пасайишидан сўнг «Ҳисор» давлат қўриқхонаси ҳудудида қор қоплами пайдо бўлди.